Marcos 10:26 - Manobo Western Bukidnon

²⁶ Ne hein nezineg haazà te menge sumusundan din, mid-iseg is kegkeinuinu zan. Ne ke sikandan te, “Emun kenà egkehimu te sepian, ne kenè bes egkehimu te minsan hentei is ked-angken te untung he wazà pidtemanan.”

Marcos 10:26 Кръстосани препратки

Marcos 10:25

Kenè din egkehimu su melemu pa te langgam he kemilyu is kedseled din diyà te vudsi te rag̵um kenà te sepian he etew te kebpesakup din te Megbevayà wey sikandin mehedii.”

Marcos 10:27

Ne zutun midtengtengan sikandan ni Jesus te egkag̵i te, “Kenà iyan egkehimu te etew, iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Marcos 6:51

Ne midruran sikandin dutun te avang dan ne mid-engked haazà is keramag. Ne utew zan si Jesus ingkeinuinu.

Marcos 7:37

Utew zan haazà ingkeinuinu ne ke sikandan te, “Utew meupiya is kebeeli zin kayi te langun su edhimuwen din minsan is kenà ebpekezineg he mekezineg ne sikan is kenà ebpekekag̵i ne ebpekekag̵i!”

Lucas 13:23

Ne zuen mid-insà kandin te, “Datù, deisey zè be is menge etew he ebeg̵ayan te untung he wazà pidtemanan?” Ne midtavak si Jesus te,

Lucas 18:26

Ne hein nezineg heini te menge etew, ke sikandan te, “Ne emun kenà egkehimu te sepian ne kenè bes egkehimu te minsan hentei is ked-angken te untung he wazà pidtemanan.”

Nengeulaula 16:31

Ne midtavak dan te, “Tuu ka te Nengazen he si Jesus ne egkelibri ka, ne egkelibri zaan is pemilya nu ke edtuu zan.”

2 Kurintu 11:23

Netuenan ku he henduen a te ebuneg̵en kayi te menge lalag ku, iyan, kenà egkesabpeng is bèbè ku kayi te egkeg̵iyen ku. Egkeg̵iyen dan he menge sulug̵uen sikandan ni Kristu. Siak, lavew e pa he metinumanen he sulug̵uen ni Kristu. Utew memereg̵en is ebpeveelan din kediey. Lelayun ad egkepirisu ne sikandan, kenà layun. Lelayun ad ebug̵ela te menge etew he kuntada te Megbevayà, kenà te sikandan. Mezakel en is nengeeg̵iyan ku he edhimetayan a pezem, kenà te sikandan.