Marcos 10:23 - Manobo Western Bukidnon

²³ Ne zutun mibpenlangulangu si Jesus diyà te menge sumusundan din ne ke sikandin diyà te kandan te, “Utew mereg̵en te sepian he etew is kebpesakup din te Megbevayà wey mehedii sikandin te Megbevayà,” ke sikandin.

Marcos 10:23 Кръстосани препратки

Mateo 18:3

Ne ke si Jesus te, “Kenè niw lipati heini: kinahanglan he ed-ewaan niw ziyà te isip niw is kebpelavew ne iringi niw heini is batà, su nelevawan sikandin te langun. Su emun kenè niw ed-iringan heini, ne kenè kew egkehedian te Megbevayà.

Marcos 10:15

Benar is egkeg̵iyen ku keniyu he ke zuen etew he kenà iring is kedsarig din te Megbevayà te kedsarig te zeisey he vatà, ne kenà egkehedian haazà is etew te Megbevayà.”

Marcos 10:22

Ne hein nezineg dutun te etew haazà is migkag̵i ni Jesus, ne utew mibmesakit is gehinawa zin ne mid-awà dutun is utew neseeng su zekelà is ketig̵eyunan din.

Marcos 3:5

Ne te ebpenlangulangu si Jesus dutun te mezakel he menge etew, utew zin egkepeuki sikandan ne utew zaan mibmesakit is gehinawa zin su haazà is menge etew, wazè dan kehizu. Ne zutun migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew haazà is belad din ne segugunà neulii.

Marcos 5:32

Ne zutun, ebpenlenglenguwen ni Jesus ke hentei is nekeg̵awed dutun te kumbalè din.

Lucas 18:24

Ne zutun midtengtengan sikandin ni Jesus ne ke si Jesus te, “Utew mereg̵en te sepian he etew is kebpesakup din te Megbevayà wey mehedii sikandin te Megbevayà.

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

1 Kurintu 1:26

Kenè niw, menge suled, lipati ke hengkey kew zengan hein wazè kew pa ipetuu te Megbevayà. Su ziyan te keniyu te menge tumutuu, mezelag is etew he egkekag̵i te menge etew he utew metau; mezelag is lavew is pid-etawan din; mezelag daan is sepian.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

Santiago 4:4

Kenè kew metinumanen te pesarig niw ziyà te Megbevayà. Wazè niw ves metueni he emun iyan niw egkesuatan is mezaat he ed-ul-ulahan te menge kuntada te Megbevayà dini te kelibutan, ne menge kuntada kew zaan te Megbevayà. Is minsan hentei he iyan egkesuatan din is mezaat he ulaula zini te kelibutan, mibpekigkuntada sikandin te Megbevayà.

2 Pedro 1:11

ne zekelà is kelipey tew keuzemà su egkeg̵alew is Megbevayà kenitew zutun te kebpeseleza zin kenitew zutun te wazà pidtemanan he g̵inhedian te Nengazen tew he si Jesu Kristu he iyan Menluluwas tew.