Marcos 10:2 - Manobo Western Bukidnon

² Ne zutun, duen menge Perisiyu he mid-uvey ziyà te ki Jesus su ebpengahaan dan is paag̵i te kedsumbunga kandin. Ke sikandan te, “Idtug̵ut be te kesug̵uan is ked-engkezi ta te esawa ta?”

Marcos 10:2 Кръстосани препратки

Mateo 15:12

Ne mid-uvayan si Jesus te menge sumusundan din ne ke sikandan te, “Netuenan nu ve he nepeukan ka te menge Perisiyu tenged te menge lalag nu g̵eina?”

Mateo 16:1

Duen menge Perisiyu wey Sedusiyu he midhendiyà te ki Jesus su egezamen dan sikandin. Umba mid-insaan dan, ke sikandan te, “Ipeehè key te singyal he tuus he sug̵ù ka te Megbevayà.”

Mateo 19:3

Duen menge Perisiyu zutun he midhendiyà te kandin su ebpengahaan dan te paag̵i sikandin wey zan ikesumbung. Ne mid-insaan dan sikandin te, “Intug̵ut be te kesug̵uan is ked-engkezi ta te esawa ta minsan ke wazè ta utew ketezengan?”

Mateo 22:35

Ne is sevaha zutun, menunudlù te kesug̵uan. Ne migezaman din dekepa is ketezengan ni Jesus pinaag̵i te menge insà.

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Mateo 9:34

Iyan, migkag̵i is menge Perisiyu zutun te, “Is tekinan te menge mezaat he mulin-ulin, iyan mibeg̵ey kandin te g̵ehem wey zin mevewii is edlelungen te mezaat he mulin-ulin.”

Marcos 10:1

Ne mid-awà si Jesus dutun te inged he Kepirnaum ne midhendiyà te prubinsya he Hudiya. Ne zutun midrapas sikandin te wahig he Hurdan. Ne utew en maan mezakel is menge etew he nengeamur-amur ziyà te kandin. Ne g̵eina te iyan layun ed-ul-ulahan din is kebpenurù, ne mibpenurù din daan haazà is menge etew.

Marcos 10:3

Ne insà daan is intavak ni Jesus dutun, ke sikandin te, “Hengkey man is insug̵ù kenitew ni Moises he egkevasa ta zuen te kesug̵uan mehitenged te kebpekidsuwey?”

Marcos 8:11

Ne hein nekeuma zan en, midhendiyà te ki Jesus is menge Perisiyu ne mibpekidlewanè dan kandin. Migkeg̵iyan dan sikandin he mebpaahà sikandin te singyal he egkein-inuwan he tuus he sug̵ù sikandin te Megbevayà. Umba migkag̵i zan haazà su egezaman dan sikandin.

Marcos 8:15

Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”

Lucas 11:39

Ne migkag̵i si Jesus diyà te kandin te, “Sikiyu is menge Perisiyu, ebpurungan niw ebentayi is menge vetasan niw, iyan, diyà te isip niw wey g̵ehinawa niw ne zuen keheheramham wey kelelalung. Iring kew te vasu wey pinggan he nelumpiyuwan diyà te g̵awas, iyan, meremerik is diyà te seled.

Lucas 16:14

Ne zuen dutun menge Perisiyu he iyan dekelà diyà te g̵ehinawa zan is selapì. Ne hein nezineg dan haazà is penurù ni Jesus ne midsumpalit dan sikandin.

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Lucas 6:7

Ne zuen dutun menge etew he Perisiyu wey menge menunudlù te kesug̵uan. Ne mibentayan dan si Jesus su ed-ehaan dan ke ebewian din be haazà is etew zutun te andew su Andew te Kedhimeley. Iyan ibpurungi zan ibentayi ki Jesus su wey zan mekeahà te paag̵i te kedsumbunga zan kandin he midsupak din is Andew te Kedhimeley.

Lucas 7:30

Iyan, is menge Perisiyu wey is menge menunudlù te kesug̵uan te menge Hudiyu, wazè dan mulà pezumdumahi is egkesuatan te Megbevayà he ibpeulaula kandan ne wazè dan daan mebpebewtismu ki Juan.

Juan 11:47

Ne zutun midtig̵um te menge punuan he memumuhat wey menge Perisiyu is menge ebmeg̵urangen te menge Hudiyu. Ne hein netig̵um dan en, migkag̵i zan te, “Ebmenumenu kiw su heini si Jesus, mezakel is menge egkein-inuwan he ebeelan din.

Juan 11:57

Ne insug̵ù he zaan te menge punuan he memumuhat wey menge Perisiyu he ke zuen egketau ke hendei si Jesus keg̵iya zin kandan wey zan ikepezakep.

Juan 7:32

Ne hein nezineg te menge Perisiyu heini is egkeg̵iyen te menge etew, sikandan wey is menge punuan he memumuhat, midsug̵ù dan is menge guwardya te zekelà he simbahan wey zan mezakep si Jesus.

Juan 7:48

Sikami is menge egalen niw, duen be minsan sevaha kenami he neketuu kandin? Wazà! Duen be Perisiyu he neketuu kandin? Wazà daan!

Juan 8:6

Iyan ingkeg̵iya zan dutun su ebpen-ahaan dan si Jesus te sayep su wey zan ikesumbung sikandin. Iyan, midtikintikin si Jesus dutun, ne insurat din is tezù din diyà te tanà.

1 Kurintu 10:9

Ne kenè tew zaan egezaman is ked-entusa kenitew te Megbevayà su iyan heini mid-ulaula te zuma kandan ne iyan silut kandan dutun is: mibpendunghul sikandan te menge uled ne nemematey zan.