Marcos 10:19 - Manobo Western Bukidnon

¹⁹ Netuenan nu en sikan is menge sug̵ù te Megbevayà he imbilinbilin kenitew he iyan is: kenè ka mebunù; kenè nu selselai is esawa nu; kenè ka mebpenakew; kenè ka medtarùtarù diyà te hukmanan; kenè ka medlimbung; ne tehuza nu is amey nu wey iney nu.”

Marcos 10:19 Кръстосани препратки

Marcos 10:18

Ne midtavak si Jesus te, “Maan is egkag̵i ka he meupiya is ulaula ku te sebsevaha zà is meupiya is menge ulaula zin ne iyan is Megbevayà.

Lucas 18:20

Netuenan nu sikan is menge sug̵ù te Megbevayà he imbilinbilin kenitew he iyan is: kenè nu selselai is esawa nu; kenè ka mebunù; kenè ka mebpenakew; kenè ka medtarùtarù diyà te hukmanan; ne tehuza nu is amey nu wey iney nu.”

Ruma 13:9

Su zuen insurat dutun te kesug̵uan he edhenduen te, “Kenè niw selselai is esawa niw; ne kenè kew pemumunù; ne kenè kew penakew; ne kenè niw isipa he egkesuatan niw is azen te zuma he etew.” Ne heini is menge sug̵ù wey is duma pa, ne egketuman ta heini is langun ke edtumanen ta is sug̵ù he edhenduen te, “Kinahanglan he mahala nu is duma nu ziyà te g̵ehinawa nu; irepeng nu sikandin te kenikew he g̵ehinawa.”

Ruma 3:20

Su wazà minsan hentei etawa he egkeisip te Megbevayà he metazeng pinaag̵i te kedtumana zin te kesug̵uan su layun din egkesupak is kesug̵uan. Umba imbeg̵ey is kesug̵uan su wey tew mesavut he mesinupaken kiw ves te menge sug̵ù te Megbevayà.

Gelasya 4:21

Sikiyu is egkesuat he ebpezizalem te kedtuman te kesug̵uan, ibpesavut ku keniyu ke hengkey is kehulug̵an kayi.

Gelasya 5:14

Is tivuuk he kesug̵uan he imbilinbilin ni Moises, ne egkepurung egketuman pinaag̵i te sevaha zà he sug̵ù he iyan heini: “Kinahanglan he purungi nu is duma nu. Isipa nu sikandin he iring te kenikew en he g̵ehinawa.”

1 Tiselunika 4:6

Kinahanglan he wazà minsan hentei he ebpekesalà wey ed-akal te zuma zin pinaag̵i te menge ulaula he iring kayi. Su edsilutan te Megbevayà is ed-ulaula te iring dutun. Heini impurung dey ipenurù keniyu.

Santiago 2:11

Su is migkag̵i te, “Kenè nu selselai is esawa nu,” ne iyan daan migkag̵i te, “Kenè ka pemumunù.” Ne minsan wazè nu selselai is esawa nu, ke nekevunù ka nesupak nu en is tivuuk he kesug̵uan su sebsevaha zà is teg̵isug̵ù dutun te langun he menge sug̵ù.