Marcos 10:1 - Manobo Western Bukidnon

¹ Ne mid-awà si Jesus dutun te inged he Kepirnaum ne midhendiyà te prubinsya he Hudiya. Ne zutun midrapas sikandin te wahig he Hurdan. Ne utew en maan mezakel is menge etew he nengeamur-amur ziyà te kandin. Ne g̵eina te iyan layun ed-ul-ulahan din is kebpenurù, ne mibpenurù din daan haazà is menge etew.

Marcos 10:1 Кръстосани препратки

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Marcos 1:21

Ne midhendiyè dan te inged he Kepirnaum, ne hein neume en is andew he Sebadu he iyan Andew te Kedhimeley ne midseled si Jesus diyà te simbahan te menge Hudiyu ne mibpenurù din is menge etew zutun.

Marcos 10:2

Ne zutun, duen menge Perisiyu he mid-uvey ziyà te ki Jesus su ebpengahaan dan is paag̵i te kedsumbunga kandin. Ke sikandan te, “Idtug̵ut be te kesug̵uan is ked-engkezi ta te esawa ta?”

Marcos 12:35

Ne te ebpenurù si Jesus te menge etew ziyà te simbahan he Valey te Megbevayà, mid-insà sikandin te, “Maan is egkehimu he ibpenurù te menge menunudlù te kesug̵uan he is ebpeebuten he hadì, kevuwazan dà ni Hadì David?

Marcos 14:49

Kada andew ne zuma a keniyu ziyà te Valey te Megbevayà is ebpenurù ne wazà a keniyu zutun dà dekepa. Iyan, egkeulaula heini su egketuman sikan is menge tagnà diyà te insurat he Lalag te Megbevayà.”

Marcos 2:13

Ne neipus haazà, ne mid-awà dutun si Jesus, ne midhendiyè en maan te veyvey te ranew, ne nengetig̵um diyà te kandin is mezakel he menge etew ne mibpenurù din sikandan.

Marcos 4:2

Ne mezakel is impenurù ni Jesus kandan pinaag̵i te menge sempità.

Marcos 6:2

Ne zutun te andew he Sebadu he iyan mahal he Andew te Kedhimeley, mibpenurù ni Jesus is menge etew ziyà te seled te simbahan te menge Hudiyu. Mezakel he menge etew is nengetig̵um dutun, ne utew zan nengeinuinu is ebpememineg ki Jesus. Ke sikandan te, “Iyan sikandin sikan is pandey. Is iney zin, ne si Maria ne menge suled din ensi Santiago, si Jose, si Hudas, wey si Simon. Is menge etevey zin, ne kayi zà daan te inged tew. Maan is metau sikandin? Hendei zin buwa mekuwa is ketau zin? Maan is ebpekehimu sikandin te menge egkein-inuwan?” Ne zutun, wazè dan dewata is ibpenurù ni Jesus.

Marcos 6:34

Ne hein migaun si Jesus puun dutun te avang ne neehè din he nengeamur-amur zutun is utew mezakel he menge etew. Ne nehizuwan din sikandan su henduen be sikandan te menge ayam he kerehidu he wazà ed-elima kandan. Utew zan mekehizuhizu. Umba, mezakel is impenurù din kandan dutun.

Marcos 6:6

Ne utew neinuinu si Jesus su wazà medtuu kandin is menge etew zutun he inged. Ne zutun midtukid ni Jesus te ebpenurù is menge siringan he inged dutun.

Juan 10:40

Ne mid-awà si Jesus dutun te Hiruselim, ne midrapas te wahig he Hurdan ne midhendiyà te tanà he zutun mebpemewtismu si Juan Megbebewtismu zengan. Ne zutun med-ubpà si Jesus.

Juan 11:7

Ne hein netapus haazà, migkeg̵iyan din is menge sumusundan din te, “Edlikù kiw ziyà te prubinsya he Hudiya.”

Juan 18:20

Ne midtavak si Jesus te, “Wazà mekeeles is menge penurù ku ziyà te menge etew su ziyà a mebpenurù te menge simbahan wey ziyà daan te Valey te Megbevayà he egketig̵uman te tivuuk he kehudiyuwan. Wazè ku ieles is minsan hengkey he lalag ku.