Marcos 1:45 - Manobo Western Bukidnon

⁴⁵ Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 1:45 Кръстосани препратки

Mateo 28:15

Ne midawat te menge sundaru haazà is selapì, ne midtuman dan haazà sumalà is migkag̵i kandan. Ne kemulu g̵untaan iyan edtudtulen te menge Hudiyu haazà is impepenudtul te menge punuan diyà te kandan.

Mateo 9:26

Ne nevantug heini is neulaula ziyà te langun he menge siringan he menge inged dutun.

Mateo 9:31

Iyan, te ked-awè dan dutun nasì dan mibantug si Jesus diyà te langun he menge siringan dutun he inged.

Marcos 2:13

Ne neipus haazà, ne mid-awà dutun si Jesus, ne midhendiyè en maan te veyvey te ranew, ne nengetig̵um diyà te kandin is mezakel he menge etew ne mibpenurù din sikandan.

Marcos 3:20

Ne zutun ensi Jesus, wazè dan en timpu minsan te kegkaan su utew mezakel is menge etew he nengeamur-amur ziyà te kandin.

Marcos 3:7

Ne zutun mid-awà si Jesus wey is menge sumusundan din ne midhendiyè dan te veyvey te ranew. Ne nemenduma ki Jesus is utew mezakel he menge etew he ebpuun diyà te prubinsya he Geliliya. Ne is duma kandan, diyà ebpemuun te prubinsya he Hudiya,

Marcos 7:36

Ne zutun migkeg̵iyan ni Jesus is menge etew zutun he kenè dan penudtula haazà is neehè dan he mibeelan din, iyan, nasì wazà meeren is tudtul zan mehitenged dutun te neehè dan.

Juan 6:2

Ne zuen utew mezakel he menge etew he ebpemenduma kandin su nengeehè dan is menge egkein-inuwan he mibeelan din te kebewii zin te menge egkengezeruwan.

Tito 1:10

Umba egkeg̵iyen ku heini su zuen mezakel he menge zuma niyu ziyan he edsumpalit te hustu he penurù. Iyan is menge Hudiyu he tumutuu en ki Kristu. Wazà pulus te egkeg̵iyen dan wey tarù is ibpenurù dan.