Marcos 1:39 - Manobo Western Bukidnon

³⁹ Ne mid-eneb eni Jesus is langun he menge inged diyà te prubinsya he Geliliya ne midwali sikandin diyà te menge simbahan te menge Hudiyu zutun. Ne impemaawè din is menge mezaat he mulin-ulin puun dutun te edlelungen dan.

Marcos 1:39 Кръстосани препратки

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 9:35

Ne neeneb ni Jesus is langun he menge inged dutun wey menge unayan. Mibpenurù din is menge etew zutun diyà te seled te menge simbahan dan wey impesavut din diyà te kandan is Meupiya he Tudtulanen te keag̵i te kedhadì te Megbevayà. Nengeulian din is menge etew te minsan hengkey he zaru wey ebpenggezamen dan.

Marcos 1:21

Ne midhendiyè dan te inged he Kepirnaum, ne hein neume en is andew he Sebadu he iyan Andew te Kedhimeley ne midseled si Jesus diyà te simbahan te menge Hudiyu ne mibpenurù din is menge etew zutun.

Marcos 1:23

Ne zutun te kemulu pa ebpenurù si Jesus, netekew zan te nekeuma zutun te simbahan is maama he edlelungen te mezaat he mulin-ulin.

Marcos 1:38

Iyan, migkag̵i si Jesus diyà te kandan te, “Edhendiyè kiw te menge zuma he inged su wey ku meweliyi zaan su umba midhendini a su edweliyan ku is menge etew.”

Marcos 3:1

Ne mid-uman medseled si Jesus duen te simbahan te menge Hudiyu, ne zuen dutun etew he minatey is menge ug̵at te zivaluy he velad din.

Marcos 6:6

Ne utew neinuinu si Jesus su wazà medtuu kandin is menge etew zutun he inged. Ne zutun midtukid ni Jesus te ebpenurù is menge siringan he inged dutun.

Marcos 7:30

Ne hein nekeuma haazà is bahi ziyà te valey zin, neehè din he edhidhizeg̵à haazà is anak din he mid-ewaan en te mezaat he mulin-ulin he edlalung kandin.

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.