Marcos 1:35 - Manobo Western Bukidnon

³⁵ Ne hein egkepkepawè en, ne mid-enew si Jesus ne mid-awà diyà te valey ne midsivey sikandin diyà te wazà duen etew su ed-ampù.

Marcos 1:35 Кръстосани препратки

Mateo 14:13

Ne hein netuenan eni Jesus is nehitavù ki Juan, mid-untud dan te avang ne mid-awè dan dutun te iyan dan dà su edhendiyè dan te wazà duen etew. Iyan, hein netuenan te mezakel he menge etew, ne mid-awè dan diyà te menge inged dan is ebpemeyvey he edtelukun ki Jesus.

Mateo 14:23

Ne hein nemekehipanew en haazà is menge etew, midtekezeg si Jesus diyà te vuvungan te sebsevaha zin ne mid-ampù. Ne hein mezukilem en, kemulu pa zutun si Jesus te sebsevaha zin.

Marcos 1:36

Ne hein nepawà dutun mibpen-ahà ni Simon wey te menge zuma zin ke hendei si Jesus.

Lucas 5:16

Iyan, duen menge timpu he ed-ewaan din haazà is mezakel he menge etew ne edhendiyà sikandin te tanà he wazà dutun duma zin he etew ne zutun ed-ampù diyà te Megbevayà.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.

Ipisu 6:18

Pekezesen kew ampù te minsan hengkey he timpu sumalà is ked-uwita keniyu te Wag̵as he Mulin-ulin. Buyù kew te tavang te Megbevayà ne layun kew andam ne peniguduwi niw layun te ked-ampù is langun he menge tumutuu.

Pilipus 2:5

Kinahanglan he iring is isip niw te isip ni Jesu Kristu.

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.