Marcos 1:34 - Manobo Western Bukidnon

³⁴ Ne zuen mezakel he egkengezeruwan dutun te migkelingulingu he menge zaru is nengeulian ni Jesus. Mezakel zaan he menge mezaat he mulin-ulin is impemaawè din puun dutun te menge etew. Ne haazà is menge mezaat he mulin-ulin, wazà tug̵uti ni Jesus he mekekag̵i sikandan su nekilala zan ke hentei si Jesus.

Marcos 1:34 Кръстосани препратки

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Marcos 1:25

Ne migkeg̵iyan ni Jesus haazà is mezaat he mulin-ulin te, “Med-engked ka ne awè ka keniyan te kandin!”

Marcos 3:12

Ne zutun midawey ni Jesus haazà is menge mezaat he mulin-ulin ne migkeg̵iyan din sikandan he kenè dan ipesavut he Anak sikandin te Megbevayà.

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.