Marcos 1:31 - Manobo Western Bukidnon

³¹ Ne mibeyaan sikandin ni Jesus ne migewezan din diyà te velad ne impeenew zin. Ne zutundutun ne naawà is dateng din ne midsuba sikandin te ibpekaan din engki Jesus.

Marcos 1:31 Кръстосани препратки

Mateo 27:55

Ne zuen daan dutun mezakel he menge vahi he ebantey ziyà te meziyù dutun. Menge tigGeliliya sikandan he miduma ki Jesus pehendiyà te Hiruselim su edtavang dan kandin.

Marcos 1:30

Ne egkezeruwan dutun is enug̵ang he vahi ni Simon ne edhidhizeg̵à su edetengen. Ne te kebpekeuma ni Jesus dutun te valey, migkeg̵iyan dan si Jesus he egkezeruwan is enug̵ang ni Simon.

Marcos 1:32

Ne hein edsanlep en is andew zutun, is langun he egkengezeruwan wey is ebpenlelungen te mezaat he mulin-ulin, mibpen-uwit sikandan te menge etew ziyà te ki Jesus.

Marcos 15:41

Heini is menge vahi, layun dan ebpekiduma ki Jesus ne midtevangan dan sikandin hein diyè pa sikandin te Geliliya. Ne mezakel zaan dutun is menge vahi he nemenduma kandin te kedhendutun din te Hiruselim.

Marcos 5:41

Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Nengeulaula 9:41

Ne migewezan ni Pedro is belad din ne impehitindeg din. Ne zutun mid-umew ni Pedro haazà is menge zuma zin he tumutuu he ragkes dutun is menge valu he vahi ne impeehè din kandan si Tebita.