Marcos 1:28 - Manobo Western Bukidnon

²⁸ Ne pinaag̵i zutun segugunà nekeeneb is bentug̵an ni Jesus diyà te tivuuk he prubinsya he Geliliya.

Marcos 1:28 Кръстосани препратки

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 9:26

Ne nevantug heini is neulaula ziyà te langun he menge siringan he menge inged dutun.

Mateo 9:31

Iyan, te ked-awè dan dutun nasì dan mibantug si Jesus diyà te langun he menge siringan dutun he inged.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Marcos 1:29

Ne mid-awà ensi Jesus dutun te simbahan ne midhendiyè dan te valey eni Simon wey ni Andres. Ne miduma zaan kandan si Santiago wey si Juan.

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Lucas 4:17

Ne induwal zan kandin is belesahan he menge surat ni Esaias, sikan is ebpeneuven dengan te Megbevayà. Mibekar zin haazà ne neehè din ne mibasa zin is insurat he edhenduen te,

Lucas 4:37

Ne zutun pinaag̵i kayi nekeeneb haazà is bentug̵an ni Jesus diyà te langun he menge inged he uvey zutun.

Lucas 7:17

Ne haazà is tudtul te mid-ulaula ni Jesus, ne segugunà nekeeneb diyà te tivuuk he menge inged te prubinsya he Hudiya wey ziyà te zuma pa he menge inged he nekepeg̵ilid dutun.