Marcos 1:24 - Manobo Western Bukidnon

²⁴ Ne hein neehè din si Jesus, mibensag sikandin is egkag̵i te, “Sikew, Jesus he tigNeserit, hengkey is lavet nu kenami te menge mulin-ulin? Kela ke iyan inhendini nu is edezeetan key kenikew. Egkekilala ku sikew; iyan ka kes hadì he mibpilì te Megbevayà!”

Marcos 1:24 Кръстосани препратки

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Mateo 8:29

Ne mibensag̵an dan si Jesus, ke sikandan te, “Sikew is Anak te Megbevayà, edsilutan key ve kenikew te wazè pa meuma is midtelaan he timpu?”

Marcos 1:23

Ne zutun te kemulu pa ebpenurù si Jesus, netekew zan te nekeuma zutun te simbahan is maama he edlelungen te mezaat he mulin-ulin.

Marcos 1:25

Ne migkeg̵iyan ni Jesus haazà is mezaat he mulin-ulin te, “Med-engked ka ne awè ka keniyan te kandin!”

Marcos 10:47

Ne hein nezineg din he iyan ensi Jesus he tigNeserit haazà is edsag̵ad, ne mibpekezag̵ing sikandin is ed-umew te, “He Jesus he kevuwazan te hadì dengan he si David, kehizuwi a kenikew!”

Marcos 14:67

Ne hein neehè din si Pedro is edhizazang midtengtengan din ne migkag̵i te, “Sikew, duma ka zaan ni Jesus he tigNeserit.”

Marcos 16:6

Ne migkag̵i haazà is etew te, “Kenè kew mahandek. Ebpen-ahaan niw si Jesus he tigNeserit, sikan is inransang te krus, iyan, wazè en dini su nevanhew en. Ahaa niw man kayi te midsevukan kandin.”

Marcos 5:7

Ne si Jesus, migkeg̵iyan din haazà is mezaat he mulin-ulin te, “Awè ka keniyan te etew!” Ne zutun nengulahì haazà is etew he ke sikandin diyà te ki Jesus te, “Ey! Sikew is anak te utew lavew he Megbevayà, ebmenuwen a kenikew? Edhengyuen ku kenikew he peserig̵a a kenikew he kenè e pa kenikew siluti su kayi ki te etuvangan te Megbevayà!”

Lucas 1:35

Ne midtavak haazà is belinsug̵uen te, “Is Wag̵as he Mulin-ulin, iyan ebpengelintau kayi ziyan te kenikew ne edlig-enan ka te g̵ehem te Megbevayà. Ne tenged kayi, heini is id-anak nu, pudu metazeng is menge ulaula zin ne egkengezanan sikandin he Anak te Megbevayà.

Lucas 24:19

Ne mid-uman med-insà si Jesus kandan te, “Maan? Hengkey is nehitavù?” Ne midtavak dan te, “Iyan is nehitavù ki Jesus he tigNeserit. Ebpeneuven sikandin te Megbevayà ne midtuuwan sikandin te langun he menge etew. Dekelà is gehem din te ebpenurù ne mekeg̵eg̵ehem daan sikandin he ebaal te menge egkengein-inuwan.

Lucas 4:34

“Sikew, Jesus he tigNeserit, hengkey is lavet nu kenami te menge mezaat he mulin-ulin? Kela ke iyan inhendini nu is edezeetan key kenikew. Egkekilala ku sikew; iyan ka sikan is hadì he mibpilì te Megbevayà!”

Lucas 8:37

Ne zutun, haazà is langun he menge etew he meg̵inged dutun te tanà te menge Geresinen, ne midhangyù dan ki Jesus he med-awà sikandin dutun te kandan su utew zan ingkehandek sikandin. Ne iyan dà haazà, ne mid-untud ensi Jesus te avang su egenat dan.

Juan 6:69

Edtuu key kenikew su netuenan dey he iyan ka sikan is mibpilì te Megbevayà he ibpahadì.”

Nengeulaula 2:27

su netuenan ku he kenè nu ebpesegdanen is gimukud ku ziyà te Iveyaan. Siak is metinumanen he sulug̵uen nu, netuenan ku zaan he kenè nu idtug̵ut he meredak is lawa ku.

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.

Nengeulaula 3:14

iyan, sikiyu, wazè niw mesuati sikandin is wag̵as he wazà kandin he mezaat he ulaula. Midhangyù kew he iyan libriya ni Pilatu kes teremunù he nepirisu.

Nengeulaula 4:27

Na,” ke sikandan is ed-ampù te, “netuman en kes migkag̵i nu su zini te Hiruselim mid-uyun is menge Hudiyu wey is kenà menge Hudiyu su si Hadì Hirudis wey si Gubirnedur Pilatu, nesevaha zan he ebpekigkuntada ki Jesus he pinilì nu he sulug̵uen he ibpahadì nu.

Santiago 2:19

Emun midtuu ki he sebsevaha zà is Megbevayà utew meupiya heeyan, iyan, kenè pa hustu su minsan is menge mezaat he mulin-ulin, midtuu zan daan te iring keniyan, iyan, egkerkeren dan te kegkehandek su netuenan dan he edsilutan sikandan keuzemà.

1 Juan 2:20

Sikiyu mulà, mibpeulinan kew ni Kristu te Wag̵as he Mulin-ulin ne tenged dutun nesavut niw te langun is tutuu he tuluuwen.

Impezayag 3:7

Ne ke sikandin en maan te, “Pesurati nu is belinsug̵uen te Megbevayà he ebantey te menge tumutuu ziyan te inged he Piledilpya. Ne ke sikew te, ‘Siak si Jesus is egkag̵i; iyan a sikan is egkeserig̵an he mibpilì te Megbevayà. Imbeg̵ey kedì is keg̵ehem te kedhadì te g̵inhedian ku iring te kedhadì dengan ni Hadì David. Ne emun duen ebpuwasan ku wey mekeseled dutun te g̵inhedian ku, kenè en egkelekevan te minsan hentei. Ne emun duen etew he edlekevan ku, kenè en daan egkepuwasan te minsan hentei.