Marcos 1:22 - Manobo Western Bukidnon

²² Ne haazà is menge etew, hein nezineg dan is kebpenurù din, utew zan nengeinuinu su is kebpenurù din, ne kenà iring te kebpenurù te menge menunudlù te kesug̵uan te menge Hudiyu su zekelà mulà is gehem ni Jesus te kebpenurù.

Marcos 1:22 Кръстосани препратки

Mateo 13:54

mid-ulì diyà te inged din. Ne ziyà te simbahan mibpenurù din is menge etew zutun. Nengeinuinu is menge etew he mibpemineg kandin. Ke sikandan te, “Hentei vuwa is nekepenurù kandin? Maan is metau sikandin ebaal te menge egkein-inuwan?

Marcos 1:23

Ne zutun te kemulu pa ebpenurù si Jesus, netekew zan te nekeuma zutun te simbahan is maama he edlelungen te mezaat he mulin-ulin.

Lucas 2:47

Ne utew nengeinuinu is langun he nekezineg te menge tavak din te menge insà kandin su utew sikandin metau.

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

Lucas 4:32

Ne is menge etew, hein nezineg dan haazà is kebpenurù din, utew zan nengeinuinu su zekelà is gehem ni Jesus te kebpenurù.

Juan 7:46

Ne midtavak is menge guwardya te, “Iyan wazè dey ikezekepa kandin su utew meupiya is kedwali zin; wazè pa etew he nekewali iring te ked-wali zin!”

Nengeulaula 6:10

Iyan, mibeg̵ayan si Esteban te ketau te Wag̵as he Mulin-ulin umba wazè dan igkelawan te ketezengan din.

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.