Lucas 9:60 - Manobo Western Bukidnon

⁶⁰ Ne midtavak si Jesus dutun te etew te, “Iyan nu ipeleveng te menge minatey sikan is wazà mekezawat te untung he wazà pidtemanan su iyan ku ibpeveelan kenikew is kebpenudtul te Meupiya he Tudtulanen te kedhedii te Megbevayà te menge etew.”

Lucas 9:60 Кръстосани препратки

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 8:22

Ne midtavak dutun si Jesus te, “Kenà, su iyan edleveng te menge minatey sikan is wazà mekezawat te untung he wazè din pidtemanan. Iyan, sikew mula, duma ka kediey.”

Lucas 15:24

Su heini is anak ku, iring te minatey sikandin ne g̵untaan neuyag̵an. Netazin sikandin ne g̵untaan neturedu en.’ Ne zutun nebibu zan.

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

1 Kurintu 9:16

Ne kenà egkehimu he idantal ku is kedsengyawa ku te Meupiya he Tudtulanen su intelaan kedì te Nengazen heini, ne kenà egkehimu he kenè ku edtumanen. Meveg̵at is silut din kedì ke kenè ku idsangyew is Meupiya he Tudtulanen.

Ipisu 2:1

Dengan, henduen kew te minatey su wazè niw pa untung he wazà pidtemanan tenged te kenè kew pa zutun ebpemineg te menge sug̵ù te Megbevayà wey tenged te menge mezaat he ulaula niw.

Ipisu 2:5

Ne minsan pa te iring kiw te minatey tenged te kenè tew kebpemineg te menge sug̵ù din, dutun te kebenhawa zin ki Kristu, inragkes kiw zin daan su wey tew maangken is untung he wazà pidtemanan. Midlibri kiw zin te silut tenged dà te g̵ag̵ew zin kenitew.

1 Timoteo 5:6

Iyan, haazà is balu he vahi he iyan dà mulà egkesuatan din is menge kelibutanen he kelipey, minsan ke uuyag pa, iring sikandin te minatey en.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.

2 Timoteo 4:5

Iyan, sikew mulà, tengkai nu is ed-ul-ulahan nu te minsan keenu he timpu. Entusa nu is kemereg̵enan. Peniguduwi nu te edsangyew is Meupiya he Tudtulanen. Purungi nu tumana is langun he ebpeveelan kenikew te Megbevayà.

Impezayag 3:1

Ne ke sikandin maan te, “Pesurati nu is belinsug̵uen he impevantey te Megbevayà diyà te menge tumutuu he ziyà te inged he Sardis. Ke sikew te, ‘Iyan a si Jesu Kristu is egkag̵i; iyan a ebayàbayà te Wagas he Mulin-ulin he pitu is gehem din. Ne iyan a zaan egawed te pitu he vituen. Netuenan ku is menge ulaula niw. Mezakel is egkag̵i he zuen niw en untung he wazà pidtemanan, iyan, kenè kew en edsunud kediey.