Lucas 9:58 - Manobo Western Bukidnon

⁵⁸ Ne migkag̵i si Jesus diyà te kandin te, “Is laku, ne zuen surung he egkeubpaan din, ne is menge tagbis, ne zuen kandan he salag, iyan, siak, is migeraran te Kakey te Menusiyà, ne wazà hustu he egkehimelayan ku.”

Lucas 9:58 Кръстосани препратки

Mateo 13:32

Ibpemula heini te etew ziyà te pemuleey zin ne ke edtuvù ne edekelà, egkehimu he iyan utew zekelà te langun he menge pinemula he edlumbayen. Iring kezekelà te kayu ne egkeletunan te menge tagbis ne egkeseselag̵an dan is menge subpang dutun.”

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.