Lucas 9:56 - Manobo Western Bukidnon

⁵⁶ Ne midlaus dan diyà te zuma he inged.

Lucas 9:56 Кръстосани препратки

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 18:11

Su siak is Kakey te Menusiyà, iyan impekehendini ku te kelibutan su wey ku melibri is menusiyà wey kenà sikandan mesiluti tenged te menge salè dan.

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Mateo 5:39

Ne iyan kedì he penurù keniyu is: kenà egkehimu he ebelesan ta is ebpesipala kenita, kekenà, ebpurungan ta. Ne emun edtebpien din is kewanan he enaping ta, egkeg̵iyan ta he egkehimu pa ke elin din edtebpien is divaluy.

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Lucas 22:51

Ne zutun migkag̵i si Jesus diyà te menge sumusundan din te, “Ereg kew!” Ne zutun inlikù ni Jesus haazà is telinga zutun te nelepungan ne henduen te wazà pig̵eyanan gihapun te telinga zin.

Lucas 23:34

Ne zutun te kemulu zan pa idransang si Jesus, ne mid-ampù sikandin diyà te Megbevayà, ke sikandin te, “Amey ku, peseyluwa nu sikandan su wazè dan metueni ke hengkey heini is ed-ul-ulahan dan.” Ne zutun, haazà is midransang kandin, midripa zan ke hentei is ebpekeangken te menge ugelingen ni Jesus.

Lucas 9:55

Iyan, si Jesus, midsinaru ziyà te kandan ne midawey zin sikandan.

Lucas 9:57

Ne zutun te kedhipanew zan, duen etew he migkag̵i ziyà te ki Jesus te, “Eduma a kenikew minsan hendei ka ebpevayà.”

Juan 10:10

Umba edhendutun te tudil is tekawen su wey mekepenakew, ne wey mekehimatey, ne wey mekezezaat. Siak mulà, midhendini a te kelibutan wey meveg̵ayi is menusiyà te untung he wazà pidtemanan wey wazè en kurang dutun te untung.

Juan 12:47

Ne ke zuen etew he nezineg din heini is menge penurù ku ne kenè din edtumanen, kenè ku sikandin edhukuman te silut su wazà a medhendini te kelibutan wey ku mesiluti is menusiyà, kekenà, wey ku melibri te silut is menusiyà.

Juan 3:17

Is Megbevayà, wazè e zin is Anak din sug̵ua zini te kelibutan te kedsilut te menusiyà, kekenà, su wey pinaag̵i kedì melibri is menusiyà.

Ruma 12:21

Minsan ke utew mezaat is pesipala kenita kenè ta ebelesan te mezaat su emun ebelesan ta, egkezaag ki su egkeuwit ki te mezaat. Iyan ed-ul-ulahan ta is meupiya he vales ne tenged kayi iyan egkezaag is kuntada ta su egkeuwit sikandin te meupiya.

1 Timoteo 1:15

Duen erubasa he utew tutuu ne kinahanglan he tuuwi te minsan hentei; ne iyan is: “Midhendini si Jesu Kristu te kelibutan wey zin libriya te silut is menge mekesesalà.” Ne siak, iyan a tuwas he lalung te langun kandan.