Lucas 9:52 - Manobo Western Bukidnon

⁵² Duen menge etew he impehuna ni Jesus ne migenat dan ne midhendiyè dan te inged diyà te prubinsya he Semarya su edteg̵enahan dan is egkinehenglanen eni Jesus.

Lucas 9:52 Кръстосани препратки

Mateo 10:5

Impehipanew ni Jesus heini is sepulù wey zezuwa. Ke sikandin te, “Kenè kew hendiyà te menge inged te menge etew he kenà Hudiyu wey ziyà te menge inged te Semarya.

Lucas 10:1

Ne hein neipus heini, duen daan kepituwan wey zewuwa he menge maama he nepilì te Nengazen he si Jesus su ibpehuna zin ibpehipanew te tigduwazuwa ziyà te langun he menge inged he ebpemeyaan din daan.

Lucas 10:33

Ne wazà utew meug̵et ne nekeuma zutun daan is sevaha he kenà Hudiyu su tigSemarya. Ne hein neehè din haazà is nekehidhizeg̵à he midruug ne utew sikandin nehizu.

Lucas 17:11

Ne zutun te kebpehendiyè en ni Jesus te inged he Hiruselim ne ziyà sikandin mebayà te pid-elangan te menge prubinsya he Semarya wey Geliliya.

Lucas 17:16

Ne midluhud diyà te etuvangan ni Jesus ne utew zekelà is kebpeselemati zin kandin. Ne haazà is neulian, ne kenà Hudiyu su tigSemarya he etew.

Lucas 7:27

su iyan daan si Juan sikan is kegketuman te netagnà he insurat he Lalag te Megbevayà su migkag̵i zutun is Megbevayà te, ‘Duen etew he edsug̵uen ku. Ibpehuna ku sikandin kenikew wey zin mehig̵ewani is ibayè nu.’ ” Ne mid-uman megkag̵i si Jesus te,

Juan 4:4

Ne zutun te ked-ulì eni Jesus, kinahanglan he ziyè dan ebpekevayà te prubinsya he Semarya.

Juan 4:5

Ne nekeuma zan diyà te sevaha he inged diyà te Semarya he egngezanan te Sikar he uvey te tanà he imbeg̵ey zengan ni Hakub diyà te anak din he si Jose.

Juan 4:9

Ne migkag̵i haazà is bahi te, “Hudiyu ka ne siak, tigSemarya a. Maan is ebuyù ka te wahig kayi te kedì?” Umba nekag̵i zin heini su is menge Hudiyu, kenè dan ebpekidlalag te minsan hentei he tigSemarya.

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”