Lucas 9:5 - Manobo Western Bukidnon

⁵ Ne emun duen inged he wazà dutun etew he egalewg̵alew keniyu, ne ewai niw ne penektaka niw is menge eliyavuk diyà te menge paa niw he iyan lag̵uy he edsilutan sikandan te Megbevayà.”

Lucas 9:5 Кръстосани препратки

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Marcos 6:11

Ne ke zuen inged he kenè kew zuen igalewg̵alew wey kenè dan ebpemineg̵en is ibpesavut niw, ne tektaka niw is eliyavuk diyà te menge paa niw he iyan lag̵uy he edsilutan sikandan te Megbevayà.”

Marcos 9:37

Ne migkeg̵iyan din sikandan te, “Is etew he tenged te kedtuu zin kedì, edewaten din ne ebpurungan din is minsan hentei he vatà he iring kayi, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedi.”

Lucas 10:16

Ne zutun migkeg̵iyan din haazà is menge sumusundan din te, “Is minsan hentei he etew he ebpemineg te ibpenurù niw, ne iring te iyan e zin nepemineg. Ne sikan is etew he kenè kew zin edseg̵ipaan, ne iring te iyan a wazè din seg̵ipaa. Ne sikan is etew he kenà edseg̵ipà kedì, ne iyan wazè din seg̵ipaa is Megbevayà he midsug̵ù kedì.”

Lucas 5:14

Ne zutun mibeleuzan sikandin ni Jesus te, “Kenè nu heini zè pa tudtula ziyà te minsan hentei he etew, kekenà, hendiyè ka g̵untaan te memumuhat he midhimu te Megbevayà wey zin maahà he neulian ka. Ne iveg̵ey nu kandin is ibpemuhat wey nu metuman sikan is insug̵ù dengan ni Moises su wey metueni te langun, he tutuu iyan he neulian ke en.”

Lucas 9:4

Ke hendei is baley he zuen egalewg̵alew keniyu ne zutun kew zà uliulì taman te kegenat niw.

Lucas 9:48

ne ke sikandin te, “Is etew he tenged te kedtuu zin kedì, edewaten din ne ebpurungan din heini is deisek he vatà, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedì. Su is minsan hentei keniyu he ebpevayàbayà te menge zuma zin, iyan sikandin tutuu he lavew keniyu.”

Nengeulaula 13:51

Ne zutun te ked-awà ni Pablo wey si Bernabe, in-awè dan is tanà diyà te parapara zan wey metueni te menge etew he kuntada sikandan te Megbevayà. Ne midlaus dan diyà te inged he Ikunya.

Nengeulaula 18:6

Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”