Lucas 9:48 - Manobo Western Bukidnon

⁴⁸ ne ke sikandin te, “Is etew he tenged te kedtuu zin kedì, edewaten din ne ebpurungan din heini is deisek he vatà, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedì. Su is minsan hentei keniyu he ebpevayàbayà te menge zuma zin, iyan sikandin tutuu he lavew keniyu.”

Lucas 9:48 Кръстосани препратки

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 18:14

Iring din ded daan is Amey tew ziyà te langit su kenè din egkesuatan he zuen minsan sevaha zà kayi te menge vatà he kenà egkelibri te silut.

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 25:45

Ne zutun edtavak a is hadì te, ‘Egkeg̵iyen ku keniyu he ke wazè niw tevangi is minsan sevaha kayi te utew minus is pid-etawan din, siak is wazè niw metevangi.’

Marcos 9:37

Ne migkeg̵iyan din sikandan te, “Is etew he tenged te kedtuu zin kedì, edewaten din ne ebpurungan din is minsan hentei he vatà he iring kayi, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedi.”

Lucas 10:16

Ne zutun migkeg̵iyan din haazà is menge sumusundan din te, “Is minsan hentei he etew he ebpemineg te ibpenurù niw, ne iring te iyan e zin nepemineg. Ne sikan is etew he kenè kew zin edseg̵ipaan, ne iring te iyan a wazè din seg̵ipaa. Ne sikan is etew he kenà edseg̵ipà kedì, ne iyan wazè din seg̵ipaa is Megbevayà he midsug̵ù kedì.”

Lucas 14:11

Sikan is etew he ed-isipen din he lavew is pid-etawan din ne ebminusen heini te Megbevayà. Iyan, sikan is etew he ed-isipen din he minus is pid-etawan din ne ebpeketikangen te Megbevayà is pid-etawan din.”

Lucas 22:26

Iyan, sikiyu mulà,” ke si Jesus, “ne kenà egkehimu he iring kayi is ulaula niw. Su sikan is lavew keniyu, ne isipa zin he iyan en sikandin kinevevaan; ne sikan is egalen, ne isipa zin he sulug̵uen sikandin te langun.

Lucas 22:30

Keuzemà ke edhadì a ne ebpinuu kew zuma kedì su ebpetugtug̵enè kiw is egkaan wey ed-inum. Ne ibpehadì ku sikiyu te menge kevuwazan duen te sepulù wey zezuwa he menge anak ni Israyil.”

Lucas 7:28

“Tentenuzi niw he si Juan Megbebewtismu, wazà minsan hentei he etew te minsan keenu he timpu he nekelavew kandin, iyan, ke edhadì keuzemà is Megbevayà, is minsan hentei he etew zutun he edhedian te Megbevayà, minsan utew minus is pid-etawan din, lavew pa sikandin kenà si Juan guntaan.”

Juan 13:20

Utew venar is egkeg̵iyen ku keniyu he ke zuen etew he edewaten din is edsug̵uen ku, edewaten e zin daan, ne is edawat kediey, edewaten din daan is Amey ku he midsug̵ù kediey.”

Juan 14:21

Is etew he edewaten din is menge sug̵ù ku ne edtumanen din, iyan sikandin etew he utew a mahal ziyà te gehinawa zin. Ne mahal zaan sikandin dini te g̵ehinawa zey te Amey ku, ne edhimuwen ku he metueni zin he iyan a zuma zin.”

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.

1 Pedro 5:6

Ne tenged dutun kinahanglan he kenè kew mepelevawen, kekenà, pevayàbayè kew te Megbevayà he mekeg̵eg̵ehem ne edhimuwen kew zin he utew lavew keuzemà te hustu he timpu.

Impezayag 21:14

Ne is elavat dutun te inged, ne sepulù wey zezuwa is impepinuuwan dutun he zekelà he vatu. Ne midsuratan haazà is menge vatu te menge ngazan te sepulù wey zezuwa he menge epustul zuen te nati he kerehidu.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.