Lucas 9:42 - Manobo Western Bukidnon

⁴² Ne hein uvey en haazà is batà diyà te ki Jesus, ne neumahan en maan dutun te edlalung kandin ne nepiley sikandin ne migkerker te utew mezesen. Ne migkeg̵iyan ni Jesus haazà is mezaat he mulin-ulin he ewai zin haazà is edlelungen din. Ne zutundutun neulian haazà is batà. Ne migkag̵i si Jesus dutun te amey te vatà te, “Kuwaa nu en heini is anak nu.”

Lucas 9:42 Кръстосани препратки

Marcos 9:20

Ne zutun, mid-uwit dan diyà te ki Jesus haazà is batà. Ne sikan is mezaat he mulin-ulin, hein neehè din dutun si Jesus, midhimu zin he mevidbid haazà is batà ne nekelagkut diyà te tanà ne nelilidlilid ne miburàburà is bèbè din.

Lucas 7:15

Ne zutundutun mid-enew haazà is minatey ne mibpekidlalag kandan. Ne migkeg̵iyan ni Jesus haazà is iney zutun te nevanhew he kuwaa zin en haazà is anak din.

Lucas 9:39

Ahaa nu su edlelungen te mezaat he mulin-ulin ne emun ebpekeume en is edlalung kandin ne ebpeketik-ew ebpekeerang ne egkerkeren ne eburvuraan is bèbè din ne edsiguduwan sikandin ed-eyuwa te edlalung kandin taman te egkevug̵el is lawa zin ne egkeug̵et sikandin ed-engkezi te mezaat he mulin-ulin.

Lucas 9:41

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw; wazè niw iyan kedtuu te Megbevayà. Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu. Ihengkayi nu heeyan is anak nu.”

Lucas 9:43

Ne langun he menge etew zutun, ne utew nengeinuinu tenged dutun te nehimu ni Jesus pinaag̵i te zekelà he g̵ehem te Megbevayà. Ne zutun te kemulu pa egkeinuinu is menge etew zutun te langun he ed-ul-ulahan ni Jesus, ne migkag̵i sikandin diyà te menge sumusundan din te,

Juan 6:19

Ne hein menge lelima en he kilumitru is imbayè dan dutun te lawed te ranew, neehè dan si Jesus is edhendiyà te kandan he edhipanew zutun te wahig. Utew zan nengehandek,

Nengeulaula 9:41

Ne migewezan ni Pedro is belad din ne impehitindeg din. Ne zutun mid-umew ni Pedro haazà is menge zuma zin he tumutuu he ragkes dutun is menge valu he vahi ne impeehè din kandan si Tebita.

Impezayag 12:12

Sikiyu is menge meg̵inged diyà te langit, medlipey kew. Iyan, sikiyu is diyan te tanà wey ziyan te zag̵at, kehizu niw! Su kes mezaat he mulin-ulin he si Setanas, mibpenaug en diyan te keniyu. Ne utew sikandin nererengiti su netuenan din he mevavè dà utew is nesamè din he timpu te kedlalunglalung.”