Lucas 9:41 - Manobo Western Bukidnon

⁴¹ Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw; wazè niw iyan kedtuu te Megbevayà. Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu. Ihengkayi nu heeyan is anak nu.”

Lucas 9:41 Кръстосани препратки

Mateo 11:28

Hendini kew te kediey, sikiyu is langun he nengeveley tenged te ked-uwit te menge meveg̵at he ulaula su ibpehimeley ku sikiyu.

Mateo 12:39

Ne midtavak si Jesus te, “Sikiyu is menge etew g̵untaan, utew mezaat is menge ulaula niw. Wazè en diyà te gehinawa niw is kebmahala te Megbevayà. Maan is ed-ehè kew te singyal? Iyan dà singyal he ibpaahà keniyu is iring duen te singyal he impeulaula zuen te tipehuna he ebpeneuven he si Jonas.

Mateo 12:45

Ne zutun edlikù edhipanew su ebpengakat te pitu he zuma zin he menge mezaat he mulin-ulin he tuwas pa he memezaat kenà sikandin. Ne ed-ahuk dan ne ed-ubpè dan dutun te etew. Ne zutun ed-iseg pa ebmezaat is kebpekesavuk dutun te etew kenà te nehuna he kebpekesavuk din. Iring dutun is egkeulaula te menge etew g̵untaan su ed-iseg ebmezaat is kebpekesavuk dan.”

Mateo 16:4

Sikiyu is menge etew g̵untaan, utew kew mezaat; wazè en diyà te g̵ehinawa niw is kebmahala te Megbevayà! Maan is ed-ehè kew te singyal? Iyan dà singyal he ibpaahà keniyu is iring duen te singyal he neulaula zuen te tipehuna he si Jonas.” Ne zutun mid-ewaan din sikandan.

Mateo 17:17

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw! Wazè niw iyan kedtuu! Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu! Ihengkayi niw heeyan is batà.”

Mateo 23:36

Egkeg̵iyen ku keniyu he sikiyu is menge etew g̵untaan, elin kew zaan edsilutan tenged te kegkengevunù kayi te langun.”

Mateo 3:7

Ne naahà ni Juan is mezakel he etew he menge Perisiyu wey menge Sedusiyu he edhendiyà te kandin su ebpebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Marcos 10:14

Ne hein netuenan ni Jesus haazà is mid-ulaula te menge sumusundan din, wazè din ikesuat, ne ke sikandin diyà te kandan te, “Ipehendini niw te kediey heeyan is menge vatà ne kenè niw zewaya su is etew he zuen din kedsarig he iring te kedsarig te vatà ne iyan ebpekepahadì te Megbevayà.

Marcos 10:49

Ne zutun te kegkezineg̵a ni Jesus kayi te ebpengumew, midteren sikandin ne migkag̵i te, “Ipehendini niw heeyan is etew.” Ne zutun migkeg̵iyan te menge etew haazà is lakap te, “Na, hitindeg kad su ibpehendiyè ke zin.”

Marcos 9:19

Ne zutun migkag̵i si Jesus te, “Sikiyu is menge etew g̵untaan, wazè niw iyan kedtuu te Megbevayà. Utew ves egkeug̵et is kebpekiduma ku keniyu. Utew ves egkeug̵et is kebpekeantus ku keniyu ne human kew edtuu. Ihengkayi niw heeyan is batà.”

Lucas 8:25

Ne migkag̵i dutun si Jesus diyà te menge sumusundan din te, “Maan is wazè niw kedsarig kediey?” Ne utew zan nengeinuinu wey nengehandek. Ne zutun neked-iinseey sikandan te, “Hentei heini vuwa he etew? Maan is minsan keramag wey vag̵el ne ebpemineg te lalag din?”

Lucas 9:40

Midhangyù a ziyà te menge sumusundan nu he vewii zan, iyan, wazè dan meulii.”

Lucas 9:42

Ne hein uvey en haazà is batà diyà te ki Jesus, ne neumahan en maan dutun te edlalung kandin ne nepiley sikandin ne migkerker te utew mezesen. Ne migkeg̵iyan ni Jesus haazà is mezaat he mulin-ulin he ewai zin haazà is edlelungen din. Ne zutundutun neulian haazà is batà. Ne migkag̵i si Jesus dutun te amey te vatà te, “Kuwaa nu en heini is anak nu.”

Juan 14:9

Ne midtavak si Jesus te, “Neug̵et en utew is kebpekiduma ku kenikew, Felipe, ne wazè nu ves metueni ke hentei a? Su is nekeahà kedì, ne nekeehè en daan te Amey ku he Megbevayà. Maan is egkesuat ka he ibpeehè ku kenikew is Amey ku?

Juan 20:27

Ne zutun migkeg̵iyan din si Tomas te, “Itiyuk nu kayi is tezù nu; is belad nu zaan, itiyuk nu kayi te kilid ku; ahaa nu is menge velad ku ne kenà ke en maan meduwazuwa, kekenà, tuu ka.”

Nengeulaula 13:18

Ne seled te kepatan he tuig te kemulu zan pa zutun te tanà he kenà ed-ubpaan te etew, naantus te Megbevayà is kedsukul zan kandin.

Nengeulaula 2:40

Ne mezakel he menge ketezengan is insambag ni Pedro kandan, ke sikandin te, “Likayi niw is limas te Megbevayà kayi te menge etew g̵untaan he memezaat is ulaula.”

Ruma 2:4

Kunaan nu vuwa ke g̵eina te utew mepelevayen wey metulanged is Megbevayà, ne kenè en kinahanglan he ebpezumdumahan nu is menge lalag din. Iyan, iyan ketezengan ke maan is utew velig̵eg̵awen is Megbevayà su ed-eg̵aken ke zin su wey nu meiniyug̵i is mezaat he ulaula.

Hibriyuhanen 3:19

Ne netuenan tew he wazè dan mekeseled dutun su wazè dan tuuwi is Lalag te Megbevayà.

Hibriyuhanen 4:11

Umba, sikitew zaan, ebeelan tew is taman te egkehimu tew wey kiw zaan mekeseled dutun te edhimelayan he midteg̵ana te Megbevayà. Kenè tew ed-iringan haazà is menge etew zengan he wazà mebpemineg te Lalag te Megbevayà su wey wazà minsan sevaha kenitew he kenà ebmehimuwen he mekeseled dutun te edhimelayan.

Hibriyuhanen 4:2

Su sikitew, nezineg tew zaan is kebpenudtula te Meupiya he Tudtulanen iring te menge g̵in-epuan tew zengan. Iyan, minsan te nezineg dan is impesavut kandan te Megbevayà, wazà pulus kayi ziyà te kandan su zutun te kegkezineg̵a zan kayi, wazè dan tuuwi.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.