Lucas 9:29 - Manobo Western Bukidnon

²⁹ Ne zutun te ked-ampù ni Jesus, netik-ew mahalin is dagwey zin ne mibpengenamag te keputì is ugelingen din ne ebpekesirang te mata.

Lucas 9:29 Кръстосани препратки

Mateo 17:2

Ne zutun te kedtengtengi zan ki Jesus, netik-ew mahalin is dagwey zin. Utew merayag is paras din iring te andew. Ne nengenamag is bisti zin te keputì.

Marcos 16:12

Ne neiwas haazà mibpaahà si Jesus is nahalin is dagwey zin diyà te zezuwa he menge sumusundan din dutun te edhendiyà haazà is dezuwa te unayan.

Lucas 5:16

Iyan, duen menge timpu he ed-ewaan din haazà is mezakel he menge etew ne edhendiyà sikandin te tanà he wazà dutun duma zin he etew ne zutun ed-ampù diyà te Megbevayà.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Lucas 9:18

Sengeandew zutun ne ed-ampù si Jesus he sebsevaha zin diyà te Megbevayà ne is menge sumusundan din, diyè dan te uvey zin. Ne ke sikandin diyà te kandan te, “Hentei e kun sumalà te ked-isipa kediey te menge etew?”

Lucas 9:30

Ne netekewtekew mekepeg̵awag̵awa is dezuwa he maama he ebpekidlalag kandin he iyan si Moises wey si Elias, kes menge tipehuna he ebpeneuven te Megbevayà.

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Nengeulaula 6:15

Ne midtengtengan si Esteban te langun he menge punuan dutun ne is paras din dutun ne henduen be te paras te velinsug̵uen te Megbevayà tenged te ked-ulini kandin.

Impezayag 20:11

Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.