Lucas 9:28 - Manobo Western Bukidnon

²⁸ Ne menge sengesimana puun dutun te kegkag̵i kayi ni Jesus, miduma zin ensi Pedro, si Santiago, wey si Juan ne midtekezeg dan te vuvungan su wey mekeampù diyà te Megbevayà.

Lucas 9:28 Кръстосани препратки

Mateo 14:23

Ne hein nemekehipanew en haazà is menge etew, midtekezeg si Jesus diyà te vuvungan te sebsevaha zin ne mid-ampù. Ne hein mezukilem en, kemulu pa zutun si Jesus te sebsevaha zin.

Mateo 5:1

Ne naahà ni Jesus is mezakel he menge etew ne zutun midtekezeg sikandin te vuvungan ne zutun mebpinuu. Ne mid-uvey ziyà te kandin is menge sumusundan din,

Marcos 1:35

Ne hein egkepkepawè en, ne mid-enew si Jesus ne mid-awà diyà te valey ne midsivey sikandin diyà te wazà duen etew su ed-ampù.

Marcos 6:46

Ne hein nekehipanew en haazà is menge etew, midtekezeg si Jesus diyà te vuvungan su mid-ampù.

Lucas 5:16

Iyan, duen menge timpu he ed-ewaan din haazà is mezakel he menge etew ne edhendiyà sikandin te tanà he wazà dutun duma zin he etew ne zutun ed-ampù diyà te Megbevayà.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Lucas 8:51

Ne hein nekeuma zan diyà te valey ni Hayru, ne wazà ipemeseled ni Jesus is menge etew. Iyan din dà dutun impeseled ensi Pedro, si Juan, si Santiago, wey is menge g̵inikanan dutun te vatà.

Lucas 9:18

Sengeandew zutun ne ed-ampù si Jesus he sebsevaha zin diyà te Megbevayà ne is menge sumusundan din, diyè dan te uvey zin. Ne ke sikandin diyà te kandan te, “Hentei e kun sumalà te ked-isipa kediey te menge etew?”

Juan 6:3

Ne midtekezeg si Jesus wey haazà is menge sumusundan din te vuvungan ne zutun dan mebpinuu.

2 Kurintu 13:1

Iketelu en heini te kebpenumbaley ku ziyan. Ke zuen etew he ebpehusey kedì ne zuen idsumbunga zin te zuma zin he tumutuu, kinahanglan he ebentayan ta is sug̵ù diyà te insurat he Lalag te Megbevayà he edhenduen te, “Ke zuen idsumbunga niw te zuma niw kinahanglan he edtistig̵usan te menge tetelu ne emun kenà ne menge zezuwa he etew.”

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.

2 Pedro 1:16

Sikan is impenurù dey keniyu mehitenged te egkeulaula keuzemà ke edlikù is Nengazen tew he si Jesu Kristu he utew zekelà is gehem din, ne kenà heini tetezemen dà he midhimu te etew zà duen. Netuenan dey su nemesahan dey en is mekeg̵eg̵ehem he anlag din.