Lucas 8:53 - Manobo Western Bukidnon

⁵³ Ne te kegkezineg̵a zan dutun te migkag̵i ni Jesus, ne và dan dà mid-engiti su netuenan dan he minatey en iyan haazà is batà.

Lucas 8:53 Кръстосани препратки

Mateo 9:24

ne migkeg̵iyan ni Jesus sikandan te, “Pemen-awè kew is langun. Wazà mebpatey heeyan is batà, kekenà, midlipezeng.” Ne mid-engitan dutun te menge etew si Jesus.

Lucas 16:14

Ne zuen dutun menge Perisiyu he iyan dekelà diyà te g̵ehinawa zan is selapì. Ne hein nezineg dan haazà is penurù ni Jesus ne midsumpalit dan sikandin.

Lucas 8:52

Ne zutun, is langun he menge etew he nerivurun dutun, egkengeg̵isaweg sikandan ne ebpemenineg̵ew su nengeseeng. Ne migkeg̵iyan sikandan ni Jesus te, “Kenè niw sineg̵awi su wazà mebpatey heeyan is batà, kekenà, midlipezeng dà!”

Lucas 8:54

Ne mid-uvayan ni Jesus haazà is batà ne migewezan din diyà te velad ne mid-umew zin he ke sikandin te, “Bayi, enew kad.”

Juan 11:39

“Iawè niw heini is batu!” ke si Jesus. Ne si Marta, is etevey zutun te minatey, migkag̵i sikandin te, “Memahù en su heepat en guntaan he andew is kedlevenga kandin.”