Lucas 8:50 - Manobo Western Bukidnon

⁵⁰ Ne hein nezineg ni Jesus haazà ne migkag̵i sikandin te, “Kenè ka meseeng, kekenà, sarig ke zà kedì, ne egkeuyag is anak nu.”

Lucas 8:50 Кръстосани препратки

Marcos 5:36

Iyan, si Jesus, wazè din itetenged haazà is migkag̵i te menge etew, kekenà, migkag̵i ziyà te ki Hayru te, “Kenè ka meseeng, kekenà, sarig ke zà kediey.”

Marcos 9:23

Ne midtavak si Jesus te, “Maan is id-insè nu ke zuen egkehimu ku? Ibeg̵ey te Megbevayà is minsan hengkey he ebuyuen te etew he zuen din kedtuu te Megbevayà.”

Lucas 8:48

Ne migkag̵i kandin si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu.”

Lucas 8:51

Ne hein nekeuma zan diyà te valey ni Hayru, ne wazà ipemeseled ni Jesus is menge etew. Iyan din dà dutun impeseled ensi Pedro, si Juan, si Santiago, wey is menge g̵inikanan dutun te vatà.

Juan 11:25

Ne migkag̵i si Jesus te, “Iyan a sikan is ebpemanhew; iyan a kes ebeg̵ey te untung. Ke zuen etew he edtuu kedì, minsan ke ebpatey, uuyag gihapun is gimukud din.

Juan 11:40

Ne migkag̵i ziyà te kandin si Jesus te, “Migkag̵i ku en kenikew he ke edtuu ka, egkeehè nu is utew igkeventug̵a te Megbevayà.”

Ruma 4:17

Ne zuen insurat he Lalag te Megbevayà diyà te ki Abraham, ke sikandin te, “Ibpenaad ku kenikew he edhimuwen ku sikew he kepuun te utew mezakel he menge kelasi te menge etew.” Ne zutun mid-isip din si Abraham he kepuun tew te langun he midtuu he iring kandin. Ne is Megbevayà he iyan edtuuwan tew, ne utew sikandin mekeg̵eg̵ehem su iyan ebpekevanhew te menge minatey, ne is minsan hengkey he wazè pa meulaula, netuenan din en he zaan iring te neulaula en.

Ruma 4:20

Ne wazà sikandin meduwazuwa te penaad te Megbevayà, kekenà, midhemenan din is kedtuu zin ne mibpeselematan din is edhimuwen te Megbevayà.