Lucas 8:44 - Manobo Western Bukidnon

⁴⁴ Ne mibpenlietliet medhendiyà te egkeiniyug̵an ni Jesus ne midsengkawad din kevita is sidsid te kumbalà ni Jesus. Ne zutundutun ne mid-engked is kegkevusbusi kandin.

Lucas 8:44 Кръстосани препратки

Mateo 20:34

Ne nehizuwan sikandan ni Jesus ne midampè din is menge mata zan. Ne zutundutun nepuwasan is ked-ehè dan, ne miduma zan ki Jesus.

Mateo 8:3

Ne midampà sikandin ni Jesus te egkag̵i te, “Utew meupiya te g̵ehinawa ku. Meulii ka.” Ne zutundutun nehanewhanew zutun te etew haazà is it-it din.

Mateo 9:20

Ne hein diyè dan en te zalan duen mid-uvey he sevaha he vahi ziyà te iniyug̵an ni Jesus. Ne haazà is bahi, duen din daru. Sepulù en wey zezuwa he tuig is kegkevusbusi kandin ne kenà ed-engked. Ne egkeisip din he emun egkekevit din is minsan kumbalè dà ni Jesus, egkeulian en sikandin. Ne zutun nekevit din is sidsid te kumbalà ni Jesus.

Marcos 6:56

Ne minsan hendei sikandin ebpevayà, ke ziyè be te menge inged wey menge unayan be, ne zutun gihapun egkeuma zin is egkengezeruwan he ed-uwiten diyà te kandin. Idsavuk dan is egkengezeruwan diyà te lugar he ebelegyaan ne edhengyuan dan si Jesus he minsan bà dà mekeg̵awed haazà is egkengezeruwan te minsan sidsid dà te kumbalè din. Ne minsan hentei he nekeg̵awed te kumbalà ni Jesus dutun, ne neulian.

Lucas 13:13

Ne midsamsam ni Jesus is peka zutun te vahi ne zutundutun ne neketeng is peka zin. Ne nekezaligdalig haazà is bahi te Megbevayà.

Lucas 7:38

Ne mid-uvayan din si Jesus ne midluhud diyà te uvey te paa zin ne mibpenig̵is is luhè din ne nengeulug diyà te paa ni Jesus. Ne mibpunasan din te vulvul zin ne midhezekan din. Ne zutun mibusbusan din haazà is paa ni Jesus duen te agwa he utew mehemut.

Lucas 8:43

Ne zuen dutun bahi he utew en nerasey su midsepulù en wey zezuwa he tuig is kedlengesahi kandin ne kenà ed-engked. Ne wazà minsan hentei he nekeulì kandin.

Lucas 8:45

Ne redsà dutun ne migkag̵i si Jesus te, “Hentei is migawed kedì?” Ne is menge etew zutun, pudu mibarew he wazè dan mekeg̵awed. Ne migkag̵i si Pedro te, “Datù, maan is ebpenginginsè ke pa te iring keniyan, te hanu man mezakel utew he menge etew is edlilipitlipit diyan te kenikew.”

Juan 5:13

Iyan, wazà mekilala si Jesus dutun te etew he neulian su medmezakel is nengetig̵um he menge etew zutun ne wazè en dutun si Jesus.

Nengeulaula 19:12

Su minsan penuwilu zà wey ke tualya he neg̵amit din, ed-uwiten dan diyà te menge egkengezeruwan wey edlelungen te mezaat he mulin-ulin ne egkengeulian sikandan.

Nengeulaula 5:15

Ne tenged te menge egkein-inuwan he nehimu te menge epustul, mid-uwit te menge etew is menge egkengezeruwan ne impenavuk dan diyà te kilid te menge kersada he impemehizeg̵à diyà te menge ikam wey hizeg̵aan dan su wey melembungi sikandan te alung ni Pedro ke edsag̵ad.