Lucas 8:43 - Manobo Western Bukidnon

⁴³ Ne zuen dutun bahi he utew en nerasey su midsepulù en wey zezuwa he tuig is kedlengesahi kandin ne kenà ed-engked. Ne wazà minsan hentei he nekeulì kandin.

Lucas 8:43 Кръстосани препратки

Marcos 12:44

Su is menge zuma he nemenhalad kayi, subra zà te ketig̵eyunan dan is inhalad dan. Iyan, heeyan is egkeayuayu he vahi, minsan pa te edlisedlised sikandin te igkeuyag din, inhalad din is namànamè en he ketig̵eyunan din.”

Marcos 9:18

Kada kedresaya kandin te mezaat he mulin-ulin ne ebpekelagkut diyà te tanà ne eburvuraan is bèbè din ne ebpekekeg̵etket te menge ngipen din ne egkevidbid sikandin. Ne midhangyù ku is menge sumusundan nu he vewii zan, iyan, kenè dan egkehimu.”

Lucas 13:11

Ne zuen dutun te simbahan bahi he nevekut su midlalung te mezaat he mulin-ulin. Ne menge sepulù en wey walu he tuig haazà is kegkevekut din ne kenè en iyan egkevulug egkeketeng te minsan deisey zà.

Lucas 13:16

Ne heini g̵untaan is bahi he kevuwazan daan ni Abraham, ne mibakus ni Setanas te sepulù en wey walu he tuig, ne kenè niw ves ebpehekazan kayi te Andew te Kedhimeley!”

Lucas 8:27

Ne zutun te kegaun ni Jesus neuma zin is etew he zaan he meg̵inged dutun te inged te menge Geresinen. Ne midsuukan sikandin te menge mezaat he mulin-ulin. Ne haazà is etew, neug̵et en utew he wazè din seseberen. Kenà ed-ubpà diyà te valey, kekenà, diyà ed-ubpà te penlevengà he menge surung. Kenà kepipira zà uwita haazà is maama zutun te ebpemekaid kandin. Ne minsan pa te layun sikandin edhiketan ne ibpenagkes te kedina ne ebentayan pa te menge etew, iyan, melemu zin dà he ebpemidtawen is kedina ne ed-uwiten sikandin dutun te mezaat he mulin-ulin pehendiyà te tanà he wazà ubpai te menge etew. Ne hein neehè din si Jesus, mid-erang ne midlangkeb diyà te etuvangan din is egkag̵i he utew mezag̵ing te, “Sikew, Jesus he Anak te utew lavew he Megbevayà, ebmenuwen a kenikew? Ebpengemuyù a kenikew he kenè e pa kenikew siluti!” Nekag̵i zin heini su migkeg̵iyan ni Jesus haazà is mezaat he mulin-ulin he ibpaawà diyà te kandin.

Lucas 8:42

Su zuen budtung he anak din he rag̵arag̵a he menge sepulù pa wey zezuwa is penuig̵en din, ne egkezeruwan ne edluwàluwè en te g̵ehinawa. Ne miduma kandin si Jesus. Ne zutun te kedhipanew zan ebpenelektelek dan dà su egkengelipitlipit dan te utew mezakel he menge etew zutun.

Lucas 8:44

Ne mibpenlietliet medhendiyà te egkeiniyug̵an ni Jesus ne midsengkawad din kevita is sidsid te kumbalà ni Jesus. Ne zutundutun ne mid-engked is kegkevusbusi kandin.

Juan 9:1

Ne zutun te kedhiphipanew ni Jesus, neehè din is etew he puun pa te ked-enaka kandin ne lakap en.

Juan 9:21

Iyan, ke nemenumenu is kebpekeehè din wey ke hentei is nekevawì te menge mata zin, wazè dey metueni. Deyzey ke iyan niw sikandin insai su meg̵urang en sikandin; egkehimu he iyan sikandin edtavak.”

Nengeulaula 3:2

Ne zuen lilimusan dutun he puun pa te ked-enaka kandin kenè en ebpekehipanew. Kada andew ed-uwiten sikandin te menge zuma zin ne idsavuk dan diyà te uvey te pultahan te simbahan he egngezanan te Valey te Megbevayà, sikan is pultahan he egngezanan te Mekempet. Iyan idsevuka kandin dutun su wey mekevuyù te limus diyà te menge etew he edseled dutun te simbahan.

Nengeulaula 4:22

su kes etew he neulian, subre en he kepatan he tuig is keg̵urang din, umba nengeinuinu is menge etew.