Lucas 8:36 - Manobo Western Bukidnon

³⁶ Ne sikan is menge etew he nekeahà ki Jesus te kebewii zin dutun te etew, ne mibpenudtulan dan is menge etew he sikan pa mekeuma ke nemenumenu is kegkeulii zutun te etew he midlalung te menge mezaat he mulin-ulin.

Lucas 8:36 Кръстосани препратки

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Lucas 8:37

Ne zutun, haazà is langun he menge etew he meg̵inged dutun te tanà te menge Geresinen, ne midhangyù dan ki Jesus he med-awà sikandin dutun te kandan su utew zan ingkehandek sikandin. Ne iyan dà haazà, ne mid-untud ensi Jesus te avang su egenat dan.