Lucas 8:25 - Manobo Western Bukidnon

²⁵ Ne migkag̵i dutun si Jesus diyà te menge sumusundan din te, “Maan is wazè niw kedsarig kediey?” Ne utew zan nengeinuinu wey nengehandek. Ne zutun neked-iinseey sikandan te, “Hentei heini vuwa he etew? Maan is minsan keramag wey vag̵el ne ebpemineg te lalag din?”

Lucas 8:25 Кръстосани препратки

Mateo 14:31

Ne segugunà migewezi sikandin ni Jesus te egkag̵i te, “Maan is kenè ka ebpekesarig kediey? Maan is eduwazuwa ka?”

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Mateo 6:30

Is sagbet, wazè din bali; egkeehè ta g̵untaan, ne kenè en utew egkeug̵et ne egkeg̵angu ne ebinsulan. Iyan, ke edhimuwen te Megbevayà he mekempet minsan heini is menge sagbet, iyan kew pe be kenè din daan meveg̵ayi te igkevisti. Maan is utew zeisek is kedsarig niw kandin.

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Mateo 8:26

Ne migkag̵i si Jesus, “Maan is egkehandek kew? Maan is kenè kew ebpekesarig kediey?” Ne mid-enew si Jesus ne migkeg̵iyan din haazà is keramag wey haazà is menge vag̵el he med-engked dan. Ne zutun mibmelinew utew.

Marcos 4:35

Ne hein midsanlep en is andew zutun, migkeg̵iyan ni Jesus is menge sumusundan din te, “Edhendiyè kiw te ziyà layun.”

Lucas 12:28

Is sagbet, ne wazè din bali; egkeehè ta g̵untaan ne kenè en utew egkeug̵et ne egkeg̵angu en, ne ebinsulan en. Iyan, ke edhimuwen te Megbevayà he mekempet minsan heini is menge sagbet, iyan kew pe be kenè din daan meveg̵ayi te igkeuugelingen! Maan is utew zeisek is kedsarig niw kandin?

Lucas 8:24

Ne mid-uvayan dan si Jesus ne mibpukew zan, ke sikandan te, “He Zatù, egkengeg̵erè kiw en!” Ne nepukew zutun si Jesus ne mid-enew ne migkeg̵iyan din haazà is keramag wey haazà is menge zekelà he vag̵el he mebpeeneng-eneng dan, ne zutun ne mibmelinew utew haazà is ranew.

Lucas 8:26

Ne zutun midlaus dan is ed-aavang taman te nekezunggù dan diyà te tanà he iyan ed-ubpaan te menge etew he Geresinen he ziyà te zehipag te prubinsya he Geliliya.

Juan 11:40

Ne migkag̵i ziyà te kandin si Jesus te, “Migkag̵i ku en kenikew he ke edtuu ka, egkeehè nu is utew igkeventug̵a te Megbevayà.”