Lucas 8:22 - Manobo Western Bukidnon

²² Sengeandew zutun ne mid-untud si Jesus wey is menge sumusundan din te avang. Ne ke sikandin te, “Kuwa kew en su edlayun kiw ziyà layun.” Ne zutun migenat dan is ed-aavang.

Lucas 8:22 Кръстосани препратки

Mateo 14:22

Ne zutun impemeuntud ni Jesus te avang is menge sumusundan din wey zan mekehuna mekerapas pehendiyà te zehipag dutun te ranew su ibpemeulì din pa haazà is mezakel he menge etew.

Mateo 8:18

Ne sevaha he andew zutun naahà ni Jesus is mezakel he menge etew he nengetig̵um. Ne migkeg̵iyan din is menge sumusundan din te, “Edhendiyè kiw te zehipag.”

Marcos 5:21

Ne midlayun ensi Jesus he ed-untud te avang. Ne hein nekezunggù dan nengeamur-amur zutun te veyvey is utew mezakel he menge etew he mid-uvey zan diyà te kandin.

Marcos 6:45

Ne impemeuntud ni Jesus te avang is menge sumusundan din wey zan mekehuna mekelayun pehendiyà te zehipag dutun te ranew pehendiyà te inged he Bitsayda su ibpemeulì din pa haazà is mezakel he menge etew.

Marcos 8:13

Ne zutun mid-ewaan eni Jesus haazà is menge etew. Mid-untud dan en maan te avang su edlayun dan dutun te ranew.

Lucas 5:1

Sevaha he andew te ziyà si Jesus te veyvey te ranew he egngezanan te Giniserit, utew mezakel he menge etew is nengetipun su ebpememineg dan te Lalag te Megbevayà he ibpenurù din.

Lucas 8:23

Ne zutun te ked-aavang dan ne nekelipezeng si Jesus. Ne nesug̵at haazà is ranew te mevendes he keramag ne egketeg̵uan en te wahig haazà is avang dan ne amaama zan kenà melavu.

Lucas 8:33

Ne iyan dà haazà, ne mid-awè dan dutun te maama ne midhalin dan dutun te menge vavuy. Ne haazè dà ne nemelelag̵uy haazà is menge vavuy petupang dutun te utew mesilid he kelendig̵an ne mid-agbur zan diyà te ranew ne naamin dan mengelened.

Juan 6:1

Ne neipus heini mid-awà si Jesus dutun ne midhendiyà te tanà he ziyà layun te ranew he Geliliya, he migngezanan daan te Tibiryu.

Nengeulaula 27:2

Ne ziyà te Sisarya zuen barku he tig-Edremityu he edhendiyà te menge inged diyà te prubinsya he Asya. Ne mid-untud key ne migenat key. Is duma zey, ne iyan si Eristarku he tigTiselunika ziyà te prubinsya he Mesidunya.