Lucas 7:6 - Manobo Western Bukidnon

⁶ Ne zutun miduma si Jesus kandan ne hein ebpelingguma zan en dutun te valey te egalen te menge sundaru ne impesinug̵ung din ensi Jesus te menge zuma zin wey zan mekag̵i ziyà te ki Jesus is lalag din he edhenduen te, “Datù, kenè nu en semuka is gehinawa nu te kedhendini te valey ku su kenà a zait he ebigatbigat kenikew he medhendini ke pa maan.

Lucas 7:6 Кръстосани препратки

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Marcos 5:24

Ne midumahan sikandin ni Jesus. Ne zutun te ziyè dan te zalan egkengelipitlipit dan en su mezakel is nemenduma kandin he menge etew.

Lucas 5:8

Ne si Simon Pedro, hein neehè din is neulaula, nekeluhud diyà te ki Jesus is egkag̵i te, “Datù, deyzey ke ebpekeziyuan a kenikew su utew a mekesesalà.”

Lucas 7:4

Ne mibeyaan dutun te menge ebmeg̵urangen si Jesus ne midhangyù dan kandin, ke sikandan te, “Engayan he tevangi nu sikandin

Lucas 7:5

su sikitew is menge Hudiyu, ne mahal ziyà te g̵ehinawa zin; mibpehitindeg sikandin te sevaha he simbahan tew.”

Lucas 7:7

Su utew zekelà is pid-etawan nu ne minsan is kedsinug̵ung ku kenikew, ne kenà a zait. Utew ka mekeg̵eg̵ehem ne minsan ke egkag̵i ke zà te, ‘Meulii sikandin,’ ne egkeulian en is sulug̵uen ku.

Lucas 8:49

Ne te kemulu pa si Jesus egkag̵i zutun ne zuen nekeuma he ebpuun diyà te valey ni Hayru. Ne migkag̵i diyà te ki Hayru te, “Kenè nu en bigbigata te eduma pa maan si Jesus su kenè niw en egkesepenan is gehinawa zuen te anak nu.”

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Santiago 4:10

Pesakup kew te Megbevayà, ne ibpelavew kew zin.

Santiago 4:6

iyan, mezesen pa utew is tavang kenita te Megbevayà.” Ne tenged dutun duen insurat he lalag din he edhenduen te, “Egkuntedahan te Megbevayà is mepelevawen, iyan, edtevangan din mulà is ebpesakup kandin.”