Lucas 7:50 - Manobo Western Bukidnon

⁵⁰ Ne mid-uman megkag̵i si Jesus dutun te vahi, ke sikandin te, “Na, ulì ke en, Bayi, ne mebmelinawen en is kebpekesavuk nu. Nelibri ke en te silut tenged te midsarig ka te Megbevayà.”

Lucas 7:50 Кръстосани препратки

Mateo 9:22

Ne midlingì si Jesus ne neehè din haazà is bahi ne ke sikandin te, “Bayi, kenè ka mahandek; su umba neulian ka te zaru nu su midsarig ka kedì.” Ne zutundutun neulian haazà is bahi.

Marcos 10:52

Ne ke si Jesus te, “Is kedsarig nu kediey, iyan igkeulii te menge mata nu. Genat kad.” Ne segugunà nekeahà haazà is menge mata zutun te lakap ne miduma sikandin ki Jesus dutun te hipenawan din.

Marcos 5:34

Ne zutun, migkag̵i si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu ne kenè ke en maan mezeruwi.”

Lucas 17:19

Ne migkeg̵iyan ni Jesus te, “Mama, hitindeg ke en ne hipanew kad. Is kedsarig nu te Megbevayà ne iyan nekelibri kenikew te silut.”

Lucas 18:42

Ne migkag̵i si Jesus te, “Mekeehè ke en; is kedsarig nu kediey, ne iyan igkeulii te menge mata nu.”

Lucas 7:9

Ne te nezineg ni Jesus heini, ne utew neinuinu. Ne midlingì ne migkag̵i ziyà te mezakel he menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin!”

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

Lucas 8:42

Su zuen budtung he anak din he rag̵arag̵a he menge sepulù pa wey zezuwa is penuig̵en din, ne egkezeruwan ne edluwàluwè en te g̵ehinawa. Ne miduma kandin si Jesus. Ne zutun te kedhipanew zan ebpenelektelek dan dà su egkengelipitlipit dan te utew mezakel he menge etew zutun.

Lucas 8:48

Ne migkag̵i kandin si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu.”