Lucas 7:45 - Manobo Western Bukidnon

⁴⁵ Ne minsan te iyan betasan tew te kegalewg̵alew is kedhezeki ta te meg̵eliyug ta, ne wazà midhazek kedì te kebpekeuma ku. Ne heini is bahi, puun pa te kebpekeuma ku midtulungan din hezeki is menge paa ku.

Lucas 7:45 Кръстосани препратки

Mateo 26:48

Si Hudas, is giya zan pehendiyà te ki Jesus, migkag̵i zin he zaan ke hengkey is tuus te kegketueni zan ki Jesus. Ke sikandin te, “Is etew he edhezekan ku, ne iyan en ebpen-ahaan niw. Ne zekepa niw en.”

Ruma 16:16

Ne sikiyu is langun diyan, emun edtig̵um kew pelimlimuey kew te uman sevaha keniyu. Ebpengemusta keniyu is menge tumutuu te langun he menge inged dini.

1 Kurintu 16:20

Is langun he menge tumutuu he menge zuma ku kayi, ne ebpengemusta zan daan keniyu. Ne sikiyu zaan diyan, ne mebpelimlimuey kew.

Ipisu 6:4

Ne sikiyu is menge g̵inikanan, kinahanglan he kenà igkepauk te menge anak niw is paag̵i niw te kebpenurù kandan, kekenà, ipenurù niw kandan is menge ulaula he zait te menge tumutuu, ne iyan niw isambag kandan is sambag he ebpuun te Nengazen tew.

1 Tiselunika 5:26

Pengemustaha niw te limù is langun he menge suled tew ziyan.