Lucas 7:41 - Manobo Western Bukidnon

⁴¹ Ne ke si Jesus te, “Iyan heini is sempità. Dengan duen sevaha he etew he ebpeutang te selapì. Ne zuen dutun dezuwa he etew he nekeutang diyà te kandin. Is sevaha, ne lelima he g̵atus is neutang din ne is sevaha, ne kelimahan dà is kandin he neutang.

Lucas 7:41 Кръстосани препратки

Mateo 18:28

Ne zutun mid-awà haazà is sulug̵uen ne neuma zin is sulug̵uen daan dutun te hadì he utangan diyà te kandin haazà is iring din he sulug̵uen te pira zà he pisus. Ne migewezan din haazà ne mibpekel zin te egkag̵i te, ‘Beyazi nu kes utang nu kedì!’

Mateo 6:12

peseyluwa key te menge salè dey iring te nekepesaylu key te nekesalà kenami.

Marcos 6:37

Iyan, migkag̵i si Jesus te, “Iyan kew mebeg̵ey te egkekaan dan.” “Es!” ke sikandan, “minsan pa ke utew zekelà is selapì tew, minsan dezuwa he g̵atus he vuuk he selapì he dinaryu ne kenè pa ereg he ibpemasa te egkekaan kayi te utew mezakel he menge etew.”

Lucas 11:4

Peseyluwa key te menge salè dey su sikami, ebpeseyluwen dey is langun he nekesalà diyà te kenami. Ne ipekeziyù key kenikew te mezesen he penuley.’ ”

Lucas 12:48

Ne sikan is sulug̵uen he wazè din pa metueni is ibpeveelan kandin te egalen din, iyan, duen mid-ulaula zin he igkepeuki kandin te egalen din, ne kenà utew sikandin ebug̵elen.” Ne mid-uman megkag̵i si Jesus te, “Is etew he zekelà is insarig kandin, dekelà daan is ebperetengen diyà te kandin. Ne emun utew pa zekelà is insarig kandin ne utew en daan dekelà is ebperetengen diyà te kandin.”

Lucas 13:4

Ne isipa niw zaan is sepulù wey walu he menge etew he nemematey hein nepilayan sikandan te metikang he valey ziyà te Siluwi. Kunaan niw vuwa ke iyan kandan ingkepilayi su utew lavew sikandan he mekesesalà kenà te langun he menge zuma zan he tigHiruselim.

Lucas 7:40

Ne zutun impezineg ni Jesus dutun te Perisiyu heini is lalag, ke sikandin te, “He Simon, duen egkeg̵iyen ku kenikew.” Ne ke si Simon te, “Hengkey?”

Lucas 7:47

Umba migkag̵i ku heini kenikew su egketuusan ta kayi te vahi he mezakel is menge ulaula zin he mezaat he nengepesaylu en te Megbevayà su utew a mahal ziyà te g̵ehinawa zin. Ne ke zuen etew he zeisek dà is menge ulaula zin he mezaat he nepesaylu te Megbevayà, wazè din utew g̵ehinawa te Megbevayà.”

Ruma 3:23

Nekesalà is tivuuk he menusiyà ne utew en sikandan meziyù te ketulusan he ibeg̵ey te Megbevayà.

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.