Lucas 7:26 - Manobo Western Bukidnon

²⁶ Ne hengkey is inhilesunga niw? Ed-ehè kew ve te etew he ebpeneuven te Megbevayà? Iyan haazà tutuu he ed-ahaan niw su ebpeneuven iyan si Juan. Iyan, kenà te ebpeneuven dà

Lucas 7:26 Кръстосани препратки

Lucas 1:76

Ne zutun migkeg̵iyan ni Zacarias haazà is anak din te, “Ne sikew, anak ku, iyan ka egeraran keuzemà he ebpeneuven te utew lavew he Megbevayà. Edsug̵uen ke zin he ibpehuna zuen te Nengazen tew su wey nu mekeg̵iyi is menge etew he endami zan is kebpekeuma zin.

Lucas 16:16

Is kedtumana te kesug̵uan he imbilinbilin dengan ni Moises wey is kedtumana te menge lalag he insurat te menge ebpeneuven dengan te Megbevayà, ne impesavut heini taman dà te timpu ni Juan Megbebewtismu. Puun dutun iyan ibpesavut diyà te langun he menge etew is Meupiya he Tudtulanen te keag̵i te g̵inhedian te Megbevayà. Ne edteg̵el is minsan hentei wey meg̵aan pezem sikandan mekeseled dutun te g̵inhedian.

Lucas 20:6

Ne emun egkeg̵iyen tew he isip dà te etew, ne egkepeukan kiw te menge etew. Ne edtulengen kiw zan te vatu wey kiw zan mehimetayi su is menge etew, edtuuwan dan he ebpeneuven si Juan te Megbevayà.”

Lucas 7:25

Midhilesung niw ve is etew he utew meupiya is bisti zin? Kenà daan, su is menge etew he memeupiya is bisti wey utew meupiya is kebpekesavuk, ne ziyè dà egkeahà te turug̵an te hadì.

Lucas 7:27

su iyan daan si Juan sikan is kegketuman te netagnà he insurat he Lalag te Megbevayà su migkag̵i zutun is Megbevayà te, ‘Duen etew he edsug̵uen ku. Ibpehuna ku sikandin kenikew wey zin mehig̵ewani is ibayè nu.’ ” Ne mid-uman megkag̵i si Jesus te,

Juan 5:35

Su si Juan, iring sikandin te sulù he merayag is sig̵a zin, ne meg̵aan dà utew is kelipey niw te kedteyawi zin keniyu, he ke và dà egkeg̵iya, seled te meg̵aan dà utew kew nesuat te penurù din he tutuu.