Lucas 7:14 - Manobo Western Bukidnon

¹⁴ Ne mibeyaan din is edlentingen ne migewezan din. Ne nemeketeren haazà is edlanting dutun te minatey ne migkeg̵iyan ni Jesus haazà is edlentingen te, “Mama, enew ka!”

Lucas 7:14 Кръстосани препратки

Marcos 5:41

Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Lucas 7:15

Ne zutundutun mid-enew haazà is minatey ne mibpekidlalag kandan. Ne migkeg̵iyan ni Jesus haazà is iney zutun te nevanhew he kuwaa zin en haazà is anak din.

Lucas 7:17

Ne haazà is tudtul te mid-ulaula ni Jesus, ne segugunà nekeeneb diyà te tivuuk he menge inged te prubinsya he Hudiya wey ziyà te zuma pa he menge inged he nekepeg̵ilid dutun.

Juan 11:25

Ne migkag̵i si Jesus te, “Iyan a sikan is ebpemanhew; iyan a kes ebeg̵ey te untung. Ke zuen etew he edtuu kedì, minsan ke ebpatey, uuyag gihapun is gimukud din.

Juan 5:21

Is Amey ku, ebenhawen din is menge minatey ne ibeg̵ey zin kandan is untung. Ne siak is anak din, untung daan is ibeg̵ey ku ziyà te minsan hentei he ebpilien ku.

Juan 5:25

Utew venar is egkeg̵iyen ku keniyu he egkeuma is andew ne neume en guntaan he siak is Anak te Megbevayà, egkezineg te menge etew he wazè pa meveg̵ayi te untung is menge lalag ku kandan, ne haazà is ebpemineg, ebeg̵ayan ku te untung he wazà pidtemanan.

Ruma 4:17

Ne zuen insurat he Lalag te Megbevayà diyà te ki Abraham, ke sikandin te, “Ibpenaad ku kenikew he edhimuwen ku sikew he kepuun te utew mezakel he menge kelasi te menge etew.” Ne zutun mid-isip din si Abraham he kepuun tew te langun he midtuu he iring kandin. Ne is Megbevayà he iyan edtuuwan tew, ne utew sikandin mekeg̵eg̵ehem su iyan ebpekevanhew te menge minatey, ne is minsan hengkey he wazè pa meulaula, netuenan din en he zaan iring te neulaula en.

Ipisu 5:12

Su is menge vaal he id-eles dan, utew mekeeled-eled minsan is kebenteeni zà kayi.