Lucas 7:13 - Manobo Western Bukidnon

¹³ Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Lucas 7:13 Кръстосани препратки

Marcos 8:2

“Kehizu kayi te menge etew su tetelu en he kezukileman is wazè dan medsuwey kenitew ne wazè dan en egkekaan.

Lucas 10:1

Ne hein neipus heini, duen daan kepituwan wey zewuwa he menge maama he nepilì te Nengazen he si Jesus su ibpehuna zin ibpehipanew te tigduwazuwa ziyà te langun he menge inged he ebpemeyaan din daan.

Lucas 11:1

Sengeandew, ne ed-ampù si Jesus diyà te Megbevayà. Ne te nekeipus sikandin te ed-ampù migkag̵i is sevaha zuen te menge sumusundan din, ke sikandin te, “Datù, penurua key te ked-ampù su si Juan Megbebewtismu, mibpenurù din is menge sumusundan din te ked-ampù.”

Lucas 11:39

Ne migkag̵i si Jesus diyà te kandin te, “Sikiyu is menge Perisiyu, ebpurungan niw ebentayi is menge vetasan niw, iyan, diyà te isip niw wey g̵ehinawa niw ne zuen keheheramham wey kelelalung. Iring kew te vasu wey pinggan he nelumpiyuwan diyà te g̵awas, iyan, meremerik is diyà te seled.

Lucas 12:42

Ne midtavak is Nengazen te, “Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Lucas 13:15

Ne midtavak kandin si Jesus te, “Tarù is menge ulaula niw! Ke zuen baka ne emun kenà ne kudà te minsan hentei keniyu, kenà egkehimu he kenè din edhekazan haazà emun Andew te Kedhimeley, kekenà, edhekazan din ne edtuyuken din pehendiyà te wahig su ibpeinum din.

Lucas 17:5

Ne migkag̵i haazà is menge epustul diyà te ki Jesus te, “Heg̵eta nu is kedtuu zey.”

Lucas 17:6

Ne midtavak si Jesus te, “Emun duen kedtuu nu he minsan iring dà kezekelà te sengevuuk he lisu te mustasa he utew zeisek ne egkekeg̵iyan nu heini is dekelà he kayu te, ‘Awè ka keniyan ne halin ka ziyà te zag̵at.’ Ne iyan dà haazà, ne ebpezumazuma kenikew.”

Lucas 18:6

Ne ke si Jesus te, “Isipa niw is mid-ulaula zutun te huwis he kenà pezem metazeng is kedhusey zin.

Lucas 19:8

Ne si Sekiyu, hein nekeuma zan engki Jesus diyà te valey zin ne midhitindeg sikandin is egkag̵i te, “Ibeg̵ey ku is ketengà kayi te ketig̵eyunan ku ziyà te menge ayuayu. Ne minsan hentei he etew he nelimbungan ku zengan, ne id-ulì ku ziyà te kandin is keheepat egketakep haazà is nekuwa ku.”

Lucas 22:61

Ne zutun midlilingey ni Jesus si Pedro ne midtengtengan din. Ne zutun human metenuzi ni Pedro sikan is migkag̵i ni Jesus kandin he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.”

Lucas 24:3

Ne mid-ahuk dan dutun ne ebpenlenglenguwen dan kes lawa te Nengazen he si Jesus ne wazè en dutun.

Lucas 24:34

Ne iyan ingketig̵um dan su ebpetudtudtulè dan he egkag̵i te, “Benar ves iyan he nevanhew is Nengazen su mibpaahà ki Pedro.”

Lucas 7:12

Ne hein ebpekeuma zan en dutun te idselang dutun te inged ne nesinug̵ung dan is menge etew he ebpuun dutun te inged he edlanting te minatey su idleveng dan. Maama haazà is minatey he iyan dà anak dutun te meritan he valu. Mezakel is menge etew zutun te inged he miduma zutun te vahi he eduma te edleveng.

Lucas 7:14

Ne mibeyaan din is edlentingen ne migewezan din. Ne nemeketeren haazà is edlanting dutun te minatey ne migkeg̵iyan ni Jesus haazà is edlentingen te, “Mama, enew ka!”

Lucas 7:19

Ne zutun midtawag ni Juan is dezuwa te menge sumusundan din ne midsug̵ù din diyà te ki Jesus. Iyan insug̵ua zin dutun su ibpeinsè din ke iyan en be iyan si Jesus sikan is netagnà dengan is kebpekeuma zin dini te kelibutan he impesavut ni Juan wey ke zuen pe be ebpeebuten he liyu ki Jesus.

Lucas 8:52

Ne zutun, is langun he menge etew he nerivurun dutun, egkengeg̵isaweg sikandan ne ebpemenineg̵ew su nengeseeng. Ne migkeg̵iyan sikandan ni Jesus te, “Kenè niw sineg̵awi su wazà mebpatey heeyan is batà, kekenà, midlipezeng dà!”

Juan 11:2

Iyan si Maria kes bahi he inhaplas din is agwa ziyà te menge paa ni Jesus, ne interapu zin dutun is menge vulvul zin. Ne meemahan dutun haazà is egkezeruwan he si Lazaro.

Juan 11:3

Ne mibpesug̵uan si Jesus dutun te zezuwa he vahi ne ke sikandan te, “Datù, egkezeruwan si Lazaro, is mahal ziyà te g̵ehinawa nu.”

Juan 20:13

Ne mid-insaan dan si Maria te, “Bayi, hengkey is idsineg̵ew nu?” Ne ke si Maria te, “Migkuwa te etew is lawa te Nengazen, ne wazè ku metueni ke hendei zan uwita!”

Juan 20:15

Ne migkeg̵iyan ni Jesus te, “Bayi, hengkey is idsineg̵ew nu? Hentei is ebpen-ahaan nu?” Ne kunaan ni Maria ke iyan sikandin sikan is ed-elima te menge pinemula zutun, umba migkag̵i te, “Mama, ke iyan ka migkuwa te lawa zin, keg̵iya nu ke hendei nu isavuk su egkuwaan ku.”

Juan 4:1

Nezineg te menge Perisiyu is tudtul he mezakel is nengehimu ni Jesus he menge sumusundan wey mezakel is nengebewtismuwan ni Jesus kenà te ki Juan; asal wazà iyan si Jesus mebewtismu, kekenà, iyan is menge sumusundan din. Ne hein nezineg daan ni Jesus haazà he tudtul, mid-awà diyà te prubinsya he Hudiya ne mid-ulì diyà te prubinsya he Geliliya.

Juan 6:23

Ne zutun te uvey te lugar he zutun nemekekaan sikan is menge etew te supas he mibpeselematan te Nengazen he si Jesus, duen nemekezunggù he menge avang he ziyà ebpemuun te inged he Tibiryu.

1 Kurintu 7:30

Ne iring din ded daan haazà is etew he egkeseeng, ne kinahanglan he iring te wazè din igkeseeng. Ne iring din ded daan is etew he zuen din igkelipey su kinahanglan he iring te wazè din igkelipey. Ne haazà daan is menge etew he ebpememasa, kinahanglan he kenè dan kenug̵uni is ebpemesahan dan, kekenà, isipa zan he kenà kandan haazà.

1 Tiselunika 4:13

Menge suled, egkesuatan dey he metueni niw is egkeulaula te menge tumutuu he minatey en su wey kew kenà meseeng iring te kegkeseeng te zuma he menge etew he kenè dan egkeperateng he egkevanhew sikandan.

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.

Hibriyuhanen 4:15

Ne heini si Jesus is lavew he memumuhat tew, nesavut din is keg̵uyè tew tenged te kememenusiyai tew su neseg̵azan din he mibpenulayan sikandin dengan ni Setanas te minsan hengkey he paag̵i iring te ebpenulayan kiw zaan, iyan, wazà mulà sikandin mepenulayi.