Lucas 6:47 - Manobo Western Bukidnon

⁴⁷ Is minsan hentei he sumusundan ku he nekezineg te menge sambag ku ne ebpezumdumahan din, egkeg̵iyen ku keniyu he

Lucas 6:47 Кръстосани препратки

Mateo 12:50

Su is minsan hentei he edtuman te egkesuatan te Amey tew he ziyà te langit, iyan daan iney ku, menge suled ku he maama, wey suled ku he vahi.”

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Lucas 11:28

Iyan, midtavak si Jesus te, “Lavew pa he zekelà is kelipey te etew he ebpemineg te Lalag te Megbevayà ne ebpezumdumahan din!”

Lucas 14:26

“Sikan is etew he egkesuat he edsundan kediey, iyan, iyan dekelà diyà te g̵ehinawa zin is ginikanan din, esawa zin, menge anak din, menge suled din, ne emun kenà, ne iyan dekelà diyà te g̵ehinawa zin is keugelingen din he lawa, ne kenà egkehimu he tutuu sikandin he sumusundan ku.

Lucas 6:48

iring sikandin te etew he ebevaley te melig-en diyà te zivavew te zekelà he vatu. Memezalem is bangbang din he mibpesekan din te tukud. Ne nepasad haazà is baley ne mibagyu ne midalem is wahig ne nesug̵at haazà is baley te meseleg he wahig, iyan, wazà merundus su nevig̵eran man.

Lucas 8:13

Ne haazà is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg ne edtuuwan dan. Iyan, kenà egkeheg̵et is kedtuu zan ne kenè en utew egkeug̵et dutun emun egezaman ni Setanas is kedtuu zan, ne edlikù dan diyà te zaan he ulaula zan.

Lucas 8:8

Ne zuen daan benì din he ziyà mengeulug te meupiya he tanà ne midtuvù ne mibpemeg̵as mebpurung te tignenggatus.” Ne ke si Jesus te, “Sevuta niw heini is nezineg niw.”

Juan 10:27

Su is menge g̵aked ku he etew, ebpemineg dan te menge lalag ku. Egkekilala ku sikandan ne edsundan dan kediey.

Juan 13:17

Emun egkesavut niw en heini is impenurù ku keniyu, igkelipey niw utew ke edtumanen niw.

Juan 14:15

Emun mahal a ziyà te g̵ehinawa niw, edtumanen niw is menge sug̵ù ku keniyu,

Juan 5:40

iyan, kenè kew edtuu kediey. Angin ke ebpeketuu kew su ebeg̵ayan kew te untung he wazà pidtemanan.

Juan 6:35

Ne midtavak si Jesus te, “Iyan a egkeenen he ebpekeveg̵ey te untung he wazà pidtemanan. Sikan is edsundan kediey, kenè en egkevitil wey sikan is edtuu kediey, kenè en maan egkemezahan.

Juan 6:37

Is langun he menge etew he ibeg̵ey kediey te Amey ku he Megbevayà, ebpekesundan dan kediey, ne is edsundan kediey, edewaten ku.

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Santiago 4:17

Tentenuzi niw he ke netuenan te minsan hentei kenitew ke hengkey is meupiya he ed-ul-ulahan ne kenè din ed-ul-ulahan, nekesalà sikandin diyà te Megbevayà.

1 Pedro 2:4

Pevayàbayè kew en te Nengazen tew he si Jesus he iyan ebeg̵ey te untung he wazà pidtemanan. Iring sikandin te vatu he pengawid te valey he kenà edewaten te menge pandey. Wazà sikandin dewata te menge etew, iyan, iyan sikandin mibpilì te Megbevayà su utew sikandin mahal.

2 Pedro 1:10

Menge suled, geina te mibpilì kiw ne midhimu kiw te Megbevayà he menge tumutuu kandin, edhimuwen tew is taman te egkehimu tew wey maahà he tutuu iyan is kebpilia zin kenitew wey is kedhimuwa zin kenitew he menge tumutuu zin. Su emun iyan heini ed-ul-ulahan tew kenè kiw ebpekesuwey te hustu he ibayà,

1 Juan 2:29

Netuenan te en he metazeng si Kristu. Netuenan ta zaan he minsan hentei he metazeng is menge ulaula zin, nehimu en sikandin he anak te Megbevayà.

1 Juan 3:7

Menge anak ku, kinahanglan he kenè niw pemineg̵a is minsan hentei he teruen he ebpenurù pezem keniyu. Iyan tutuu is: ke zuen etew he ed-ulaula te hustu ne iyan sikandin metazeng he etew iring te metazeng si Kristu.

Impezayag 22:14

Utew egkengelipey haazà is langun he ebpìpian dan is ugelingen dan, he ke và dà egkeg̵iya, ibpepalis dan is menge salè dan su wey utew meputì su emun ebeelan dan haazà, ebeg̵ayan sikandan te ketenged te kegkaan te veg̵as dutun te kayu he ebpekeveg̵ey te untung wey te kedseled dutun te menge pultahan te inged.