Lucas 6:42 - Manobo Western Bukidnon

⁴² Ne egkeg̵iyan nu pa sikandin he id-awè nu haazà is nekepesek kandin, iyan, nepesek mulà is kenikew he mata te vatang he ebpesegdanen nu! Utew tarù is ulaula nu! Ihuna nu iawà is batang he nekepesek kenikew ne human ka ebpekeahà. Ne zutun melemu nu zà igkeawà haazà is nekepesek te zuma nu.”

Lucas 6:42 Кръстосани препратки

Mateo 26:75

Ne human metenuzi ni Pedro sikan is migkag̵i kandin ni Jesus he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.” Ne zutun migawas si Pedro ne nekelelendag.

Mateo 7:3

Sikew is layun edsawey te zuma nu, maan is edsawey ka te salà te zuma nu he iring dà te pesek he nekeahuk diyà te mata zin? Ne sikew, duen nu salà he iring kezekelà te vatang he nekevuta te mata nu ne ebpesegdanen nu.

Mateo 7:4

Ne egkeg̵iyan nu pa sikandin he id-awè nu haazà is nekepesek kandin, iyan, nepesek mulà is kenikew he mata te vatang ne ebpesegdanen nu!

Lucas 13:15

Ne midtavak kandin si Jesus te, “Tarù is menge ulaula niw! Ke zuen baka ne emun kenà ne kudà te minsan hentei keniyu, kenà egkehimu he kenè din edhekazan haazà emun Andew te Kedhimeley, kekenà, edhekazan din ne edtuyuken din pehendiyà te wahig su ibpeinum din.

Lucas 22:32

Iyan, in-ampù ku sikew, Simon, diyà te Megbevayà he kenà maawà is kedtuu nu kediey. Ne emun melig-en en is kedtuu nu kediey ne himuwa nu he mebmelig-en daan is kedtuu te menge zuma nu.”

Lucas 6:41

Ne mid-uman megkag̵i si Jesus te, “Sikew is layun edsawey te zuma nu, maan is edsawey ka te salà te zuma nu he iring dà te pesek he nekeahuk te mata zin. Ne sikew, duen nu salà he iring kezekelà te vatang he nekevuta te mata nu ne ebpesegdanen nu?

Lucas 6:43

Ne ke si Jesus en maan te, “Is kayu he wazè din erat, meupiya is beg̵as din ne kenà ebpemeg̵as te mezaat. Is kayu he zuen din erat, mezaat is beg̵as din ne kenà ebpemeg̵as te meupiya.

Nengeulaula 13:10

ne migkeg̵iyan din te, “Iring ka ki Setanas he ebpenlimbung. Utew ka lalung ne kuntada ka te minsan hengkey he meupiya. Su is Lalag te Nengazen he utew hustu, egkeg̵iyen nu he tarù.

Nengeulaula 2:38

Ne midtavak si Pedro te, “Kada sevaha keniyu, iniyug̵i zin is mezaat he ulaula zin ne mebpebewtismu wey metueni he ebpekidsevaha sikandin ki Jesu Kristu. Ne human egkepesaylu is menge salè din ne is Wag̵as he Mulin-ulin, ibeg̵ey kandin te Megbevayà.

Nengeulaula 8:21

Wazè nu kelavet wey ketenged kayi te ebpeveelan kenami su netuenan te Megbevayà he kenà metazeng is egkeisip nu.

Ruma 2:1

Netuenan ta he utew metazeng is idsiluti te Megbevayà te menge etew he ed-ulaula te menge mezaat he iring kayi, iyan, sikew is egkag̵i he utew mezaat heini is menge ulaula kayi te menge etew, wazè nu zaan kebpekeg̵awas su edsudien nu is mezaat he ulaula te zuma, iyan, mezaat daan is ed-ul-ulahan nu. Ne tenged kayi zutun te kedsudia nu kandin, nesudì nu zaan is kenikew he ulaula.

2 Kurintu 5:18

Iyan midhimu kayi is Megbevayà su pinaag̵i ki Kristu midhimu kiw zin he menge emig̵u zin. Ne mibpeveelan din daan kenami is kedhimuwa te zuma he etew he meemig̵u zin.

2 Timoteo 2:21

Ne sikan is etew he egkesuat he mahala wey meteg̵eley te Megbevayà he iring te utew mahal he g̵elemiten, kinahanglan he ed-iniyug̵an din is langun he mezaat he ulaula. Ne human sikandin dait he egemiten te Megbevayà te minsan hengkey he meupiya he ulaula.

2 Pedro 1:9

Iyan, ke zuen tumutuu he kenà ed-ulaula kayi, henduen be te nelakap is isip din su kenè din egkesavut is hustu. Nelipatan din en buwa he nepelisan en sikandin te menge zaan he ulaula zin he mezaat.