Lucas 6:41 - Manobo Western Bukidnon

⁴¹ Ne mid-uman megkag̵i si Jesus te, “Sikew is layun edsawey te zuma nu, maan is edsawey ka te salà te zuma nu he iring dà te pesek he nekeahuk te mata zin. Ne sikew, duen nu salà he iring kezekelà te vatang he nekevuta te mata nu ne ebpesegdanen nu?

Lucas 6:41 Кръстосани препратки

Mateo 7:1

“Kenè kew medsawey te zuma niw ne kenè kew zaan edsewayen te Megbevayà.

Marcos 8:7

Ne zuen daan dutun pira he leg̵as he zeisek he pait ne hein nepeselematan din en insug̵ù din he ipemeg̵ey zaan haazà dutun te menge etew.

Lucas 6:40

Is ebpepenurù, kenè din isipa he lavew sikandin he edtehuzen kenà te ebpenurù kandin. Ne emun wazè en igkepenurù kandin te ebpenurù, human ebpekedrepeng sikandan is ebpepenurù wey is ebpenurù.”

Lucas 6:42

Ne egkeg̵iyan nu pa sikandin he id-awè nu haazà is nekepesek kandin, iyan, nepesek mulà is kenikew he mata te vatang he ebpesegdanen nu! Utew tarù is ulaula nu! Ihuna nu iawà is batang he nekepesek kenikew ne human ka ebpekeahà. Ne zutun melemu nu zà igkeawà haazà is nekepesek te zuma nu.”

Juan 8:7

Ne g̵eina te kenè dan ed-engked he ed-insà, midhitindeg sikandin ne migkag̵i te, “Is sevaha keniyu he wazà mekevaal te mezaat te minsan keenu, iyan medhuna medtuleng kandin te vatu.”

Ruma 2:1

Netuenan ta he utew metazeng is idsiluti te Megbevayà te menge etew he ed-ulaula te menge mezaat he iring kayi, iyan, sikew is egkag̵i he utew mezaat heini is menge ulaula kayi te menge etew, wazè nu zaan kebpekeg̵awas su edsudien nu is mezaat he ulaula te zuma, iyan, mezaat daan is ed-ul-ulahan nu. Ne tenged kayi zutun te kedsudia nu kandin, nesudì nu zaan is kenikew he ulaula.

Santiago 1:24

Egkeehè din is dagwey zin, iyan, meg̵aan dà. Ne egkelipatan din dutun ke hengkey is neehè din.