Lucas 6:27 - Manobo Western Bukidnon

²⁷ Iyan egkeg̵iyen ku keniyu te menge sumusundan ku he ebpemineg kediey g̵untaan is: kinahanglan he kenà mezaat is gehinawa niw ziyà te menge kuntada niw, kekenà, purungi niw is egkengeepes keniyu.

Lucas 6:27 Кръстосани препратки

Marcos 4:24

Ne mid-uman megkag̵i si Jesus te, “Purungi niw pemineg̵a is penurù ku keniyu su sumalà is kebpurung niw kebpemineg, ibeg̵ey keniyu te Megbevayà is kedsavut, asal zekelè pa is ibpesavut din keniyu.

Lucas 23:34

Ne zutun te kemulu zan pa idransang si Jesus, ne mid-ampù sikandin diyà te Megbevayà, ke sikandin te, “Amey ku, peseyluwa nu sikandan su wazè dan metueni ke hengkey heini is ed-ul-ulahan dan.” Ne zutun, haazà is midransang kandin, midripa zan ke hentei is ebpekeangken te menge ugelingen ni Jesus.

Lucas 6:22

Utew kew zeyzey emun egkuntedahan kew te menge etew ne kenè kew zan edewaten he zuma zan, ne ebpeel-elezan kew zan, ne egkeg̵iyen kew zan he memezaat is ulaula niw tenged te midsundan kew kedì te Kakey te Menusiyà. Iyan heini kes mid-ulaula zengan te menge kepuun dan diyà te menge ebpeneuven te Megbevayà. Medlipey kew utew emun egkehitavù heini ziyan te keniyu su utew zekelà is suhul keniyu te Megbevayà he ebpeebuten niw ziyà te langit.

Lucas 6:35

Iyan penurù ku keniyu is: kenà imezaat te g̵ehinawa niw is menge kuntada niw, kekenà, meupiya is ul-ulaha niw ziyà te kandan. Ke zuen etew he ed-utang keniyu, kenè niw itag̵ù diyà te g̵ehinawa niw he kinahanglan he beyazi kew zin. Emun edtumanen niw heini, igkepeehè niw he menge anak kew te utew lavew he Megbevayà. Ne utew zekelà is suhul zin keniyu su minsan is menge etew he memezaat is ulaula wey is menge kenà ebpeselamat kandin, egkehizuwan din sikandan gihapun.

Lucas 8:15

Ne haazà is benì he ziyà mengeulug te meupiya he tanà, ne iyan egkeg̵iyen dutun is Lalag te Megbevayà he nezineg te menge etew ne midawat dan, ne midtuman dan haazà, ne mibpeniguduwan dan te edtuman taman te mibpulus te zekelà is Lalag te Megbevayà diyà te kandan.”

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

Lucas 8:8

Ne zuen daan benì din he ziyà mengeulug te meupiya he tanà ne midtuvù ne mibpemeg̵as mebpurung te tignenggatus.” Ne ke si Jesus te, “Sevuta niw heini is nezineg niw.”

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 16:28

Ne zutun mibensag si Pablo te, “Kenè nu pelii is lawa nu su heini key zed te seled ne wazà mibpelag̵uy kenami.”

Nengeulaula 7:60

Ne zutun nekeluhud ne mid-uman megkag̵i te, “He Nengazen, kenè nu isipa he idsilut kandan heini is salè dan.” Ne te nekag̵i zin haazà, naawà is gehinawa zin.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.