Lucas 6:2 - Manobo Western Bukidnon

² Ne zutun duen menge Perisiyu he migkag̵i te, “Maan is edsupaken niw is insug̵ù kenitew te Megbevayà he wazà ibpevaal emun Andew te Kedhimeley?”

Lucas 6:2 Кръстосани препратки

Mateo 12:2

Ne naahà haazà te menge Perisiyu ne migkeg̵iyan dan si Jesus te, “Ahaa nu is menge sumusundan nu su edsupaken dan is insug̵ù kenitew te Megbevayà su maan is midlegtey zan kayi te Andew te Kedhimeley.”

Mateo 15:2

“Is menge sumusundan nu, maan is edsupaken dan is menge tuluuwen he imbilinbilin kenitew te lukes tew? Su is menge sumusundan nu, kenè dan ebpenlùlù te menge velad dan te hustu he paag̵i te kegkaan te kenè dan pa ebpuun egkaan.”

Marcos 2:24

Ne zutun migkeg̵iyan si Jesus te menge Perisiyu te, “Is menge sumusundan nu, edsupaken dan is insug̵ù kenitew te Megbevayà su maan is edlegtey zan guntaan kayi te Andew te Kedhimeley?”

Lucas 5:33

Ne zuen menge etew he migkag̵i ziyà te ki Jesus te, “Is menge sumusundan ni Juan Megbebewtismu wey is menge sumusundan te menge Perisiyu, ne layun dan ed-ampù wey edsalang dan he egkaan su wey zan mepurungi is ked-azap dan te Megbevayà. Iyan, is kenikew he menge sumusundan, kenè dan mulà edsalang he egkaan, kekenà, kada andew egkaan dan wey ed-inum dan.”

Juan 5:16

Umba puun dutun nepeukan si Jesus te menge punuan he menge Hudiyu su utew zan ingkeepes haazà is kebewii zin te egkezeruwan dutun te andew he Sebadu.