Lucas 6:14 - Manobo Western Bukidnon

¹⁴ Is menge etew he nengepilì din dutun iyan ensi Simon he sikan is migeraran din ki Pedro, wey sikan is hazi ni Simon he si Andres, si Santiago wey si Juan, si Felipe wey si Bartolome,

Lucas 6:14 Кръстосани препратки

Mateo 10:2

Iyan heini menge ngazan te sepulù wey zezuwa he sumusundan he migeraran ni Jesus he epustul, he ke và dà egkeg̵iya, menge sug̵ù din: iyan lavew kandan si Simon he migeraran ni Jesus ki Pedro; ne zutun daan si Andres he hazi ni Pedro wey is menge anak ni Sibidiyu he si Santiago wey si Juan is hazi ni Santiago.

Mateo 10:3

Ne zutun daan si Felipe, si Bartolomeo, si Tomas, si Mateo he iyan kes menunukut te vuhis wey si Santiago he anak ni Alpiyu. Duen daan si Tediyu,

Mateo 4:18

Sevaha he andew te edhipanew si Jesus diyà te veyvey te ranew he Geliliya, neehè din is dezuwa he maama, si Simon (kes mid-umanan din ngezani ki Pedro) wey is hazi ni Simon he si Andres. Ebpenlaya sikandan diyà te ranew su menlelaya sikandan.

Mateo 4:21

Ne midlaus dan dutun ne neuma ni Jesus is selakew pa he zezuwa he telehazi zaan, si Santiago wey si Juan, he menge anak ni Sibidiyu. Diyà sikandan te avang duma te amey zan su ebpurungan dan is menge laya zan. Mid-umew sikandan ni Jesus ne

Marcos 1:19

Ne midlaus medhipanew ensi Jesus ne zutun te kedhipanew zan en, naahà ni Jesus ensi Santiago wey is hazi ni Santiago he si Juan he menge anak ni Sibidiyu he ebpurungan dan is menge laya zan diyà te avang dan.

Marcos 1:29

Ne mid-awà ensi Jesus dutun te simbahan ne midhendiyè dan te valey eni Simon wey ni Andres. Ne miduma zaan kandan si Santiago wey si Juan.

Marcos 14:33

Ne zutun miduma zin si Pedro, si Santiago, wey si Juan, ne midlaus dan pa ziyà te egkehunaan dutun. Utew neseeng sikandin wey mibmesakit utew is gehinawa zin.

Marcos 3:16

Iyan heini menge ngazan te sepulù wey zezuwa he etew he nengepilì ni Jesus: si Simon he migeraran din ki Pedro, wey si Santiago he anak ni Sibidiyu wey is hazi ni Santiago he si Juan. Heini is dezuwa, migeraran din ki Buwenirgis, he ke và dà egkeg̵iya, mezilapet he etew. Ne elin daan dutun si Andres, si Felipe, si Bartolome, si Mateo, si Tomas, si Santiago he anak ni Alpiyu, wey si Tediyu. Ne elin daan si Simon is sevaha te upakat dengan he egngezanan te Kenenista. Ne elin daan mibpilì ni Jesus si Judas he tigKeriyuti, sikan is mid-akal kandin. Ne neipus haazà is kebpilia ni Jesus kandan, ne mid-ulì sikandin.

Marcos 5:37

Ne zutun iyan dà impelaus ni Jesus he eduma kandan ki Hayru, si Pedro, si Santiago, wey si Juan he suled ni Santiago.

Marcos 9:2

Neiwas is heenem dutun he andew, ne miduma ni Jesus ensi Pedro, si Santiago, wey si Juan ne midtekezeg dan te utew metikang he vuvungan he iyan dan dà. Ne zutun te kedtengtengi zan ki Jesus netik-ew mahalin is dagwey zin.

Lucas 5:10

Elin daan nengeinuinu zutun is menge anak ni Sibidiyu he si Santiago wey si Juan he menge zuma ni Simon te ebpenlaya. Ne migkag̵i si Jesus diyà te ki Simon te, “Kenè ka mahandek. Menlelaya ka te pait, iyan, puun guntaan iyan ku ibpeveelan kenikew is kebpen-ahà te etew wey mehimu he menge sumusundan ku.”

Lucas 5:8

Ne si Simon Pedro, hein neehè din is neulaula, nekeluhud diyà te ki Jesus is egkag̵i te, “Datù, deyzey ke ebpekeziyuan a kenikew su utew a mekesesalà.”

Lucas 6:13

Ne hein nepawà dutun ne miburun din is menge sumusundan din ne mibpilì din dutun is sepulù wey zezuwa ne migeraran din haazà he menge epustul.

Lucas 6:15

si Mateo wey si Tomas, si Santiago he anak ni Alpiyu wey sevaha he etew he egngezanan ded daan ki Simon he nevantug tenged te utew mezesen sikandin he edtuman te imbilinbilin he kesug̵uan,

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 14:8

Ne zutun migkag̵i ziyà te kandin si Felipe te, “Ipeehè nu kenami is Amey nu he Megbevayà ne iyan dà egkinehenglanen dey.”

Juan 6:5

Ne mibpememantew si Jesus ne neehè din is utew mezakel he menge etew he ebpemehendiyà te kandin. Ne migkeg̵iyan din si Felipe te, “Hendei kiw ebpekekuwa te egkeenen he ibpekaan tew kayi te menge etew?”

Juan 6:8

Ne zutun migkag̵i si Andres. Si Andres, hazi ni Simon Pedro wey sevaha zutun te menge sumusundan ni Jesus, ne ke sikandin te,

Nengeulaula 1:13

Ne hein nekeuma zan diyà te Hiruselim, mid-ulì dan diyà te rug̵u he zivavew ziyà te valey he dus endanas he ubpeey zan. Iyan heini ensi Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago he anak ni Alfeo, si Simon Siluti, wey si Hudas he anak ni Santiago.

Nengeulaula 12:2

Si Santiago, sikan is suled ni Juan, impetibas ni Hirudis su wey mebpatey.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.