Lucas 6:12 - Manobo Western Bukidnon

¹² Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Lucas 6:12 Кръстосани препратки

Mateo 5:1

Ne naahà ni Jesus is mezakel he menge etew ne zutun midtekezeg sikandin te vuvungan ne zutun mebpinuu. Ne mid-uvey ziyà te kandin is menge sumusundan din,

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Marcos 1:35

Ne hein egkepkepawè en, ne mid-enew si Jesus ne mid-awà diyà te valey ne midsivey sikandin diyà te wazà duen etew su ed-ampù.

Marcos 3:13

Ne zutun midtekezeg si Jesus diyà te vuvungan dutun ne mid-umew zin sikan is nengepilì din he mehimu he sinerig̵an din. Ne mid-uvey zan diyà te kandin.

Marcos 6:46

Ne hein nekehipanew en haazà is menge etew, midtekezeg si Jesus diyà te vuvungan su mid-ampù.

Lucas 5:16

Iyan, duen menge timpu he ed-ewaan din haazà is mezakel he menge etew ne edhendiyà sikandin te tanà he wazà dutun duma zin he etew ne zutun ed-ampù diyà te Megbevayà.

Lucas 6:11

Ne zutun, ne utew nengepauk haazà is menge Perisiyu wey haazà is menge menunudlù te kesug̵uan ne mibpelelelag̵è dan ke hengkey is ed-ul-ulahan dan ki Jesus.

Lucas 6:17

Ne hein neipus ni Jesus is kebpilia zin kandan midtupang sikandin duma haazà is nengepilì din. Midteren dan dutun te patag ne nengevurun dutun is mezakel he menge sumusundan din wey is medmezakel he menge etew he ebpemuun diyà te menge inged he sakup te Hudiya wey ziyà te inged he Hiruselim. Ne zuen daan menge etew he ziyà ebpemuun te menge inged he Tiru wey Sidun he ziyà te veyvey te zag̵at. Iyan tuyù dutun te menge etew is ebpemineg dan te kebpenurù ni Jesus wey ebpemevawì daan sikandan kandin te menge zaru zan.

Lucas 9:18

Sengeandew zutun ne ed-ampù si Jesus he sebsevaha zin diyà te Megbevayà ne is menge sumusundan din, diyè dan te uvey zin. Ne ke sikandin diyà te kandan te, “Hentei e kun sumalà te ked-isipa kediey te menge etew?”

Lucas 9:28

Ne menge sengesimana puun dutun te kegkag̵i kayi ni Jesus, miduma zin ensi Pedro, si Santiago, wey si Juan ne midtekezeg dan te vuvungan su wey mekeampù diyà te Megbevayà.

Lucas 9:29

Ne zutun te ked-ampù ni Jesus, netik-ew mahalin is dagwey zin ne mibpengenamag te keputì is ugelingen din ne ebpekesirang te mata.

Juan 6:3

Ne midtekezeg si Jesus wey haazà is menge sumusundan din te vuvungan ne zutun dan mebpinuu.

Kulusas 4:2

Ne sikiyu is langun, pekehamen kew ampù ne purungi niw is ked-isip niw ke ed-ampù kew wey layun niw peselemati te Megbevayà is gag̵ew zin keniyu.

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.