Lucas 5:35 - Manobo Western Bukidnon

³⁵ Ne zutun te timpu he ibpaawà diyà te kandan sikan is ebpengesawa, human dan edsalang egkaan, su egkeseeng dan.”

Lucas 5:35 Кръстосани препратки

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Lucas 17:22

Ne migkag̵i si Jesus diyà te menge sumusundan din te, “Egkeuma is andew he utew zekelà pezem diyà te g̵ehinawa niw he meg̵aan metuman is timpu te kedlikù ku te Kakey te Menusiyà, iyan, kenè pa egkehitavù.

Lucas 5:34

Ne migkag̵i si Jesus diyà te kandan te, “Penenglitan, ke zuen eseweey, is menge zuma te ebpengesawa, kenà egkehimu he ibpesalang sikandan te kegkaan ke kemulu zan pa zuma haazà is ebpengesawa.

Lucas 5:36

Ne zutun insempità ni Jesus is kenà kebpeked-amur te veg̵u he penurù din wey te zaan he tuluuwen te menge Hudiyu, ke sikandin te, “Wazà etew he ebindas te veg̵u pa he kumbalà su idapi zin te kumbalà he tug̵ak en. Su emun ebeelan din is iring kayi, ne nezezeetan din dà is beg̵u, ne haazà is daan he kumbalà, kenà ed-engayan te veg̵u he indapi zutun.

Juan 12:8

Is menge egkengeayuayu, layun niw egketevangi sikandan, iyan, siak, kenà a egkeug̵et dini te keniyu,” ke sikandin.

Juan 13:33

Sikiyu is menge minahal ku he menge sumusundan, egketegteg̵aad dà guntaan ne egkeawaan ku en sikiyu. Ebpen-ahaan a keniyu ne iring te migkag̵i ku ziyà te menge Hudiyu, egkeg̵iyen ku zaan dini te keniyu he ke hendei a ebpevayà kenè kew ebpekezuma.

Juan 16:28

Diyà a ebpuun te Amey ku ne midhendini a te kelibutan. Ne g̵untaan ed-ewaan ku heini is kelibutan ne ed-ulì ad diyà te Amey ku.”

Nengeulaula 1:9

Ne te nekag̵i ni Jesus haazà, nevatun sikandin pehendiyà te langit. Ne te kemulu zan pa edlingahà su ed-ahaan dan is kegkevatun din, neelangan si Jesus te g̵apun ne naawà sikandin diyà te ked-ehè dan.

Nengeulaula 14:23

Diyà te kada iglisya, he ke và dà egkeg̵iya, gurupu te menge tumutuu, midtezù ensi Pablo te menge ebmeg̵urangen. Midsalang dan egkaan is ed-ampù; ne is menge sumusundan dutun, insarig ni Pablo wey si Bernabe ziyà te Nengazen he midtuuwan dan.

Nengeulaula 3:21

Diyè pa si Jesus ebpekeubpà te langit taman te kenè pa edhimuwen te Megbevayà he veg̵u is minsan hengkey sumalà te netagnà dengan pinaag̵i te ebpemeneuven din.

1 Kurintu 7:5

Kenè niw iengked is lawa niw ziyà te esawa niw. Iyan, para kenà mesamuk is ked-ampù niw egkehimu he iengked niw emun neuyunan niw, asal taman dà te egkepipira he andew. Ne emun egketapus haazà is neuyunan niw, ne kinahanglan he ebpehulizè kew en maan su kela ke kenè niw meeg̵en is suat niw ne egkepenulayan kew ni Setanas.

2 Kurintu 11:27

Midhag̵ù a is edterebahu; layun a egkepurang; layun a egkevitil; ne layun a egkemezahi. Layun a kurang te egkeenen wey layun a egkealang-alang te egkeubpaan wey ugelingen.