Lucas 5:30 - Manobo Western Bukidnon

³⁰ Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Lucas 5:30 Кръстосани препратки

Mateo 5:46

Kenè niw isipa he edsuhulan kew te Megbevayà ke iyan dà ebpurungan niw is ebpurung daan keniyu; su minsan is menge menunukut te vuhis he limbung is ulaula zan, ebpurungan dan daan is ebpurung kandan.

Mateo 9:11

Duen menge Perisiyu he nekeahà dutun te menge etew. Ne migkeg̵iyan dan is menge sumusundan ni Jesus te, “Is egalen niw, maan is egkaan wey ed-inum duma te menge limbungan he menunukut te vuhis wey menge mesinupaken?”

Marcos 2:16

Ne zuen dutun daan menge Perisiyu he menge menunudlù te kesug̵uan. Ne hein neehè dan he egkaan si Jesus duma zutun te menge mesinupaken wey menunukut te vuhis, nenginginsà sikandan duen te menge sumusundan ni Jesus, ke sikandan te, “Maan is egkaan si Jesus wey ed-inum duma te menge limbungan he menge menunukut te vuhis wey menge mesinupaken?”

Marcos 7:3

Su is menge Hudiyu, lavew en is menge Perisiyu, kenè dan egkaan ke kenè dan egkelùluan is menge velad dan su iyan haazà betasan he imbilinbilin te menge g̵in-epuan dan dengan.

Marcos 9:16

Ne nenginginsà si Jesus dutun te menge sumusundan din te, “Hengkey is egkelewenaan niw?”

Lucas 18:11

Ne midhitindeg haazà is Perisiyu ne mid-ampù pinaag̵i te g̵ehinawa zin, ke sikandin te, ‘Megbevayà, ebpeselamat a kenikew su kenà a iring te zuma. Kenà a leg̵ezen; kenà a ebpenlimbung; kenè ku edselselaan is esawa ku. Ebpeselamat a zaan kenikew su kenà a iring keniyà te limbungan he menunukut te vuhis.

Lucas 19:7

Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

Lucas 5:17

Sevaha he andew he ebpenurù si Jesus, duen ebpemimpinuu he mezakel he menge Perisiyu wey menge menunudlù te kesug̵uan he midtelavuk dutun. Diyà haazà ebpemuun te langun he menge inged he sakup te Geliliya wey sakup te Hudiya. Ne zuen daan duma zan dutun he ebpemuun te Hiruselim. Ne zutun te ki Jesus is gehem te Megbevayà su wey zin mevewii is menge etew.

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”

Lucas 7:34

Ne siak is Kakey te Menusiyà, wazà a medsalang megkaan ne mid-inum a mulà te vinu ne nengeinuinu kew ne migkag̵i niw he vuleg̵uk a wey pereinum te vinu. Ne ke sikiyu te emig̵u a te menge lalung he etew iring te menunukut te vuhis wey menge mesinupaken.

Lucas 7:39

Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”

Nengeulaula 23:9

Umba, mid-iseg dan mebmeg̵urub dutun is ebpevenbensag̵ey. Ne zutun midhitindeg is menge Perisiyu he menge menunudlù te kesug̵uan ne ke sikandan te, “Wazà mezaat he netuenan dey he mibeelan kayi te etew. Kela ke tutuu iyan he zuen mulin-ulin wey ke velinsug̵uen be te Megbevayà he mibpekidlalag kandin.”