Lucas 5:17 - Manobo Western Bukidnon

¹⁷ Sevaha he andew he ebpenurù si Jesus, duen ebpemimpinuu he mezakel he menge Perisiyu wey menge menunudlù te kesug̵uan he midtelavuk dutun. Diyà haazà ebpemuun te langun he menge inged he sakup te Geliliya wey sakup te Hudiya. Ne zuen daan duma zan dutun he ebpemuun te Hiruselim. Ne zutun te ki Jesus is gehem te Megbevayà su wey zin mevewii is menge etew.

Lucas 5:17 Кръстосани препратки

Mateo 15:1

Ne zutun, duen menge Perisiyu wey menge menunudlù te kesug̵uan he menge tigHiruselim he midhendiyà te ki Jesus. Mid-insè dan ki Jesus te,

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 16:18

Ne minsan ke ebpekeg̵awed sikandan te menge uled wey ebpekeinum sikandan te minsan hengkey he edhilu, kenà sikandan egkekeizan. Ne emun edempaan dan is egkengezeruwan, ne egkengeulian.”

Marcos 3:22

Ne zuen dutun menge menunudlù te kesug̵uan he ebpuun diyà te inged he Hiruselim ne ke sikandan te, “Heini he etew, mid-ulinan sikandin ni Endedaman, sikan is egalen te menge mezaat he mulin-ulin, ne tenged kayi igkepeg̵uwè din puun te menge etew is menge mezaat he mulin-ulin.”

Marcos 5:30

Ne si Jesus, netuenan din dutun he zuen neulaula te g̵ehem din ne midteren is ebpenlangulangu zutun te mezakel he menge etew is mid-insà te, “Hentei is migawed te kumbalè ku?”

Marcos 7:1

Ne sevaha he timpu nemekeuma ziyà te ki Jesus is menge Perisiyu wey menge menunudlù te kesug̵uan he ebpuun sikandan diyà te Hiruselim.

Lucas 15:2

Ne utew heini ingkeepes te menge Perisiyu wey menge menunudlù te kesug̵uan he zutun daan, ne ke sikandan te, “Heini si Jesus, ne ebpemekiduma kayi te menge etew he utew mesinupaken te kesug̵uan tew ne egkaan daan sikandin duma kandan.”

Lucas 2:46

Ne hein tetelu en he andew is kebpengehè dan, neehè dan sikandin diyà te simbahan he Valey te Megbevayà is ebpemekibitiyara te menge menunudlù te kesug̵uan. Ebpemineg te menge lalag dutun te menge menunudlù ne zuen daan menge insè din kandan.

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Lucas 6:19

Ne mezakel zutun te menge etew is egkesuat he egawed diyà te ki Jesus, su zuen gehem he ebpuun diyà te kandin ne pinaag̵i zutun egkengeulian is langun te sikandan.

Lucas 7:30

Iyan, is menge Perisiyu wey is menge menunudlù te kesug̵uan te menge Hudiyu, wazè dan mulà pezumdumahi is egkesuatan te Megbevayà he ibpeulaula kandan ne wazè dan daan mebpebewtismu ki Juan.

Lucas 8:46

Iyan, migkag̵i si Jesus te, “Duen iyan migawed kedì su neg̵ezam ku he zuen etew he neulian te zaru pinaag̵i te g̵ehem ku.”

Juan 3:10

Ne ke si Jesus te, “Punuan ka he menunudlù kayi te menge zuma tew he menge kevuwazan ni Israyil, ne kenè nu ves egkesavut heini is egkeg̵iyen ku?

Juan 3:21

Iyan, sikan is edtuman te tutuu he tuluuwen, edhendiyà mulà te kerayag. Umba edhendiyà sikandin te kerayag su wey metueni he pinaag̵i te g̵ehem te Megbevayà nehimu zin is metazeng he ulaula.”

Nengeulaula 19:11

Ne utew zekelà is menge egkengein-inuwan he mibeelan te Megbevayà pinaag̵i ki Pablo.

Nengeulaula 4:30

Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeehè dey pinaag̵i te g̵ehem te ngazan ni Jesus he pinilì nu he sulug̵uen nu.”

Nengeulaula 5:34

Iyan, duen duma zan he egngezanan ki Gemelil. Perisiyu sikandin he menunudlù te kesug̵uan wey telehuzen te langun he menge etew. Ne midhitindeg heini ne insug̵ù din he ed-uwiten dè pa ziyà te g̵awas haazà is menge epustul. Ne hein diyè dan en te g̵awas,