Lucas 5:13 - Manobo Western Bukidnon

¹³ Ne zutun midampà sikandin ni Jesus te egkag̵i te, “Utew meupiya te g̵ehinawa ku; meulii ka!” Ne segugunà nehanewhanew zutun te etew haazà is it-it din.

Lucas 5:13 Кръстосани препратки

Mateo 8:3

Ne midampà sikandin ni Jesus te egkag̵i te, “Utew meupiya te g̵ehinawa ku. Meulii ka.” Ne zutundutun nehanewhanew zutun te etew haazà is it-it din.

Lucas 4:39

Ne mid-uvayan ni Jesus haazà, ne mibpengelinteuwan din he maawà haazà is dateng din. Ne zutundutun neulian haazà is bahi. Ne zutun mid-enew ne midsuba sikandin te ibpekaan din engki Jesus.

Lucas 5:12

Ne sevaha he andew ne ziyà si Jesus te sevaha he inged ne neuma zin is etew he nepurung en meeneb te menge it-it. Haazà is it-iten, hein neehè din si Jesus, mid-uvey ziyà te kandin ne midluhud ne midungul diyà te etuvangan din is egkag̵i te, “Datù, emun meupiya zà te g̵ehinawa nu ne egkeulian a kenikew kayi te utew meremerik he egezamen ku.”

Lucas 5:14

Ne zutun mibeleuzan sikandin ni Jesus te, “Kenè nu heini zè pa tudtula ziyà te minsan hentei he etew, kekenà, hendiyè ka g̵untaan te memumuhat he midhimu te Megbevayà wey zin maahà he neulian ka. Ne iveg̵ey nu kandin is ibpemuhat wey nu metuman sikan is insug̵ù dengan ni Moises su wey metueni te langun, he tutuu iyan he neulian ke en.”