Lucas 4:42 - Manobo Western Bukidnon

⁴² Ne hein egkepkepawè en mid-awà si Jesus dutun te inged ne midsiveysivey zutun te wazè din duma he etew. Iyan, mibpemengahà sikandin te menge etew, ne hein neturedu zan, midhangyù dan kandin he kenè pa sikandin med-awà dutun te inged dan.

Lucas 4:42 Кръстосани препратки

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Lucas 24:29

iyan, migkeg̵iyan dan sikandin te, “Kenè ke pa laus, ne zini ka hulavung su mahapun en utew.” Ne iyan dà haazà, ne mibpekiduma si Jesus kandan.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 4:40

Ne hein nemekeuma haazà is menge tigSemarya ziyà te ki Jesus, midhengyuan dan sikandin he kenà petuluy medlaus te kedhipanew zin. Umba mid-ubpà ensi Jesus dutun seled te zezuwa he andew.

Juan 6:24

Ne hein netuenan te menge etew he wazè en dutun si Jesus wey is menge sumusundan din, nemen-untud dan dutun te menge avang su ebpen-ahaan dan si Jesus diyà te inged he Kepirnaum.