Lucas 4:38 - Manobo Western Bukidnon

³⁸ Ne te ked-awà ni Jesus dutun te simbahan, midhendiyà te valey ni Simon. Ne egkezeruwan dutun is enug̵ang he vahi ni Simon ne utew meinit is lawa zin. Ne midhangyù dan ki Jesus he vewii zin haazà is bahi.

Lucas 4:38 Кръстосани препратки

Mateo 15:23

Iyan, kenà edseg̵ipaan ni Jesus. Ne zutun, mid-uvayan si Jesus te menge sumusundan din; ne midhangyù dan he ke sikandan te, “Ipeulì nu heeyan is bahi su kenà edsuwey kenitew he ebpekeuringer.”

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Juan 11:22

Ne netuenan ku he minsan guntaan ke zuen ebuyuen nu ziyà te Megbevayà, ibeg̵ey zin kenikew.”

Juan 11:3

Ne mibpesug̵uan si Jesus dutun te zezuwa he vahi ne ke sikandan te, “Datù, egkezeruwan si Lazaro, is mahal ziyà te g̵ehinawa nu.”

1 Kurintu 9:5

Ne mezaat be zaan ke ed-iringan ku is menge zuma he epustul wey is menge hazi ni Jesus wey si Pedro zaan su pudu zan duen esawa he tumutuu he edumahan dan ke edhipanew zan? Kenà daan mezaat.